影片
以上资料只供参考，请与餐厅确认详情
在灣仔買東西買到夜, 家裡沒留飯, 索性吃了東西再回家。近來上了吉列豬扒的癮, 行過這裡見有得吃便走了入去。在 counter 落了柯打, 就是那個果汁吉列豬扒飯 ($26), 見有串燒, 又要了串串燒冬菇 ($5)。全店只有兩個口靚妹, 還要好像是店員的朋友之類, 就知出事了。吉列豬扒飯單看樣子是還可以的, 先吃了豬扒, 嗯, 很薄, 淋淋的無厘質感, 都不知放了多久; 所謂的果汁 (即是個醬) 酸酸地的, 不知算不算有果汁味, 總之很怪。最要命的是飯, 竟然是酸的 (不是壽司飯那種酸而是類似變壞了的那種味道), 但卻是熱的啊, 吃了兩口已不敢再吃下去, 生怕回去會拉肚子 (好在最後也沒有)。全個餐以為最正常的熱檸茶, 連檸檬都好像放了幾個星期, 霉霉的, 真是無話可說了。至於那串燒冬菇, 也不可以說它是燒過的吧, 除了那些燒汁之外, 冬菇本身根本是沒有什麼味道的。難怪那兩個店員可以這麼得閒在店內吹水, 我也不會吝嗇一個喊臉。
继续阅读
新年前後出左一大堆血，近日又食左d比較上等的食物，緊係慳得就慳今次就午飯都唔食，趁Tea出去Hea一Hea食平價野。灣仔區要平又食得…真係幾少選擇又唔想食老麥，再興又怕怕。左諗右諗，醒起recruit介紹左呢間平價豚肉飯．咪入去試下。入到餐廳，見到menu都幾多選擇，下午茶仲要13蚊! 左度右度…又驚唔夠食，見佢飯餐都唔係貴，都唔過$30。串燒仲要5蚊串，最後揀左個招牌果汁炸豬扒飯話晒都第一次入黎，就試住個細size先。再加多兩串串燒，加埋都唔過$40應該夠食掛?買完飛，拎左個籌(個籌其實可以設計得好少少…)，等左陣就有得食。豬扒都算大件同厚身，而且炸到金黃色仲切好件，抵讚再望下d醬汁，黑黑地色，左諗右諗都唔明點解叫果汁。就多口問下店員，原來醬汁係用左菜蜜+蔬菜汁整成， 所以叫果汁。雖然好似怪怪地，但聽落又幾健康而且試落又覺得唔錯，甜甜地唔漏，帶少少酸，又幾惹味，送飯同配炸物都唔錯食左一陣，串燒又到。今次試左肥牛同雞肉。串燒燒得岩岩好，唔會乾爭爭，又唔會燒到燶晒黑蚊蚊雞肉肉質都係滑滑又彈牙，5蚊黎講係交到貨。講返碗飯, 雖然係細size，但都夠食。而且又係珍珠米，算係咁。點都好過對面間越南野同再興。一個又貴又扮大碗成$40蚊碗湯河得兩片牛肉，串燒又係差唔多40蚊先得幾片仲要又硬又鞋口，真係以為自己食緊牛肉乾...另一個的飯又唔係人食…至於要改善的地方，一來d門面野可以做靚d，二來件豬扒可以再切多幾件，依家切4件其實好快就咬晒…同埋醬汁應該淋少少落碗飯度，方便用黎送飯。呢間野豚肉飯，行過咁多次都無留意，估唔到一試又有驚喜。糧尾時用黎救命，又真係唔錯。
继续阅读
店內一直傳來串燒的味道，進來發現他們也有賣串燒。開放式的廚房可以看到一串串的豚肉在燒得很香很香，沒有多餘的調味應該已經很好吃。選擇有很多，有雞有豬有茄子有豆腐，印象中還有說是沖縄海鹽燒的鹽燒牛肉。可能是在做特價的關係，很多人也在等他們的外賣叉燒飯，有時連收銀機侍應也要進去幫忙。不過他們也算快手，不消一會就上菜了。感覺上其實這個叉燒飯和燒味店的差不多，吃下去味道也不差，是厚切是叉燒。個人建議另外問店員拿多點汁會比較好。
继续阅读
本來諗住去隔離麥當勞食野換公仔，不過行過見到呢間話下午茶十三蚊咋喎...心諗岩岩還完grant loan無錢，不如慳返少少啦，於是入左去試~灣仔返左工咁耐，都係第一次試呢間舖，見佢地係豚肉飯專門店，當然試下佢D 豚肉啦~叫左個十勝豚肉拉麵，等左幾分鐘就黎到，原來包埋杯茶，十三蚊黎講算係咁。要讚的是佢地個豚肉幾入味，但又唔會太過搶，送飯應該幾好。最失敗係唔記得影相 = =" 剩係影左門口張海報
继续阅读
本來諗住食平野的心態到此一吃好可惜，這一頓飯令我再一次成為明燈看見manual 上不同的豬肉飯以及店外聞到自陣陣烤肉味（空氣污染），曾以有自己選對了....直到十多分鐘後（午繕時間中算是等很久了！）夢想破滅。來到的一碗細小的豬肉飯，看上去比下午茶時段的xx家份量還要小，但價錢是約3-40元。這也算了，看面頭的豬肉薄如紙，只怪師傅刀工太強？！豬肉攤開來大概是一張八達通的大小吧！正是將碗上的飯也蓋著也不行。也許汁會好吃吧....很可惜，原來那個有一丁點色水的汁，都沒有味道。我想....是汁太少吧？着店員拿來肉汁，聞一下，還好，是有咸味，倒下去拌混和了白飯再吃......沒有味道!?!!只因太餓了，沒有味道比難吃好的是還可填滿半個肚子。下午，消化中，口中盤旋著陣陣GAS味.....豬肉味?我中午吃的可真是豕肉飯嗎？納悶著......
继续阅读