綠摩 (已結業)

晨運行公園，出來就見到間pizza店。店名好得意叫做green monster（綠摩），睇落好吸引🤩於是叫佐一款9吋披薩🍕➕五件棒棒雞槌小食➕凱撒沙律🥗➕可樂外賣。披薩種類好多，而且啲名起得好得意😎我地點嘅叫做「食肉怪獸」，其他有「火爆女友」、「工程師日常」，哈哈全部都想試。而且個烤爐係佢地鋪頭嘅公仔樣張開口嘅造型，又Q又個性。烤出來嘅披薩特別香，正宗風味。應該係啱開張無幾耐，我係見門口有新張優惠做緊八折吖。兩個人食，大概三百蚊。