影片
以上资料只供参考，请与餐厅确认详情
之前有经开见封板开pizza 店，终于开左一直未试，今晚终经开就OpenRice 落定order 去取，由于我比取单时间早到15 分钟，老板见到我就即做，麻烦晒☺️⋯⋯很好不会整定，刚刚好15 分钟就煮和焗好了，新鲜滚热辣，见到个焗炉好治愈😋⋯⋯见到店外有广告中午12-2，意粉🍝也是$55，pizza 某时段买一送一，好抵，只限当场店叫，详情见相，讲返pizza, 很脆，芝士🧀够多有拉丝感，卡邦尼亚意粉也很多，还有小食，沙律，六十几蚊真的好性价比高，下次再来试其他☺️
继续阅读
湾仔出名多嘢食，只要需要谂食边样再喺OpenRice 一搜就有。 今日口淡淡想整个意粉，就上嚟望，见到呢间有得直接落埋order，虽然行远少少但都叫个自取啦⋯⋯早咗十分钟到，老板对咗个号码就问「你早嚟咗㖞，我即刻整俾你、 好快！」等咗真系三四分钟，老板就整好打包…拎到返去办公室食；仲系烫嘴的！超劲！ 意粉有心机：除咗熟烟肉仲有落干烟肉同香料增加香味同口感、 意粉汁丰厚而且系满满的！ （本人系钟意多汁嘅卡邦尼） 如果现场买系$55 送汤，真系抵上加抵！老板仲推荐咗如果系爱「蒜」的话可以试个「蒜香辣椒鸭胸意」相信都系诚意之作，下次就一于试下
继续阅读
湾仔呢间Pizza 🍕外卖小店买咗个外卖返屋企做晚餐叫完等一阵就拎得，非常有效率👍🏻✨超值2人套餐 $288🍕Pizza 套餐包一款$129嘅🍕有成16款咁多比我选择😍加多$10拣咗呢款夏威夷辣妹🍕饼底薄身，食落香脆美味面头铺满双色车打芝士🧀拉开仲有拉丝😍加上劲多火腿同菠萝🍍配料真系啖啖满足😌🍝Pasta义大利肉酱伴温泉蛋意大利粉意粉挂满酱汁😍再将流心温泉蛋捞埋嚟食，味道更加浓郁🍗小食脆炸捧捧鸡膇食落好香脆惹味😋套餐还配有汽水/是日餐汤
继续阅读
屋企人话想食pizza，跟住我哋就决定试吓呢一间既外卖Pizza店。呢间店舖嘅装修好特别，成间铺全部都系绿色的！好显眼！而今次我地就点咗佢嘅二人套餐$288就已经包左一个九吋嘅pizza，今次就加钱转咗佢嘅夏威夷辣妹！ 但系其实呢个Pizza并唔系辣嘅，而且好足料成个Pizza都充满哂黑森林火腿，菠萝及双色车打芝士！ 而另外意粉我哋就拣咗意大利肉酱伴温泉蛋意大利粉，有香草味 ，而且有埋温泉蛋做点缀，味道好浓厚！小食方面我就拣咗脆炸棒棒鸡锤，呢个我觉得好有惊喜，炸得好好，外脆内嫩，好Juicy！而饮品我就拣咗餐汤，有粟米汤同埋有黑松露野菌忌廉汤，忌廉汤好Creamy，而黑松露野菌汤好香黑松露味，杂菌好多tim！
继续阅读
Happy Friday 跟一群同事去了一间外卖创意pizza，十分惊喜好足料~ 我们点了他们的招牌款「绿摩」及「五式芝士」，两款口味各具特色，卖相好得😍首先是「绿摩」，12吋大pizza以薄脆饼底为基底，铺了几片滑顺的牛油果酱及酸忌廉，再配以香辣可口的辣肉肠、肉嫩多汁的西班牙黑毛猪肠。再加上墨西哥脆片的点缀，交织出层次丰富的滋味💖 还有双色车打芝士的咸香浓郁，令人食欲大开🔥另一款「五式芝士」9吋细pizza同样以薄脆饼底为本，上面铺满了意大利马苏里拉芝士、希腊菲达芝士及哥根苏拿芝士，再淋上一层甜蜜的蜂蜜，口感层次丰富，迷人至极👍🏻 每一种芝士都有其独特的风味，与蜂蜜的搭配更是天衣无缝，交织出浓郁绵密的芝香，绝对是芝士控的至爱😆😆😆 不过有人可能会觉得蓝芝士好臭，但钟意食就觉得好好味啦！
继续阅读