上海三六九菜館

营业中

休息中

「三六九」一定是老牌上海館的表表者，都喺灣仔駱克道附近經營左好多年～ 第二次來吃，又坐同一張枱。每次黎親呢度食飯都係好多人好迫，啲侍應都好忙做到冇停手。唔知係因為太忙定點，侍應嘅待客態度同服務態度都唔太好，見到其中一個侍應好冇禮貌咁同隔離枱嘅客人講嘢，例如叫佢乜嘢有得食就食啦。講返我哋今次叫咗一個獅子頭客飯同埋一個排骨湯麵，佢哋會送返一碗湯，今次個湯系青紅蘿蔔煲得唔差。到啲食物上枱嘅時候，賣相就一般，不過佢哋個客飯唔知係咪見我哋有兩個人就俾咗兩碗飯。獅子頭客飯味道比較清淡唔會話做得太重味，啲肉做得都實，唔會好一夾就散左，啲豬肉都幾腍，整體幾好味。另外講返個排骨，炸咗出嚟都幾酥脆，但肉身唔會話太好食，普普通通。不過整體嚟講作為上海餐館，食物選擇都算好多，下次都會再嚟試吓其他唔同選擇。