杜老誌大飯店 (已結業)

同朋友來到呢度，佢話仿如返到80年代嘅香港。熱鬧，璀燦，多姿多彩。你可以見到霓虹處處，有漁人碼頭，今日世界，游戲機室，桑拿，茶檔，蔴雀娛樂公司……仲有两間獨立VIP房，一間有舊式游戲機供細路仔玩，適合一家大細家庭聚會，另一間供朋友間聚會又唔怕太吵。沙薑雞腳58蚊一大碟，一上枱濃郁沙薑味扑鼻而來，加上有咬口雞腳，實在好紅燒乳鴿78蚊/隻，皮炸得好脆，連D細骨都可以吃落肚，而D肉質就好嫩好滑，係我吃過最好味嘅乳鴿之一。椒鹽魷魚，好新鮮，熟嘅程度啱啱好唔會韌。砵仔焗魚腸味道非常鮮甜，而表皮焗得金黄好靚。甜品焗西米布甸最初吃落覺得有D甜，其實係錯覺，甜度都幾平均，好满足的一餐。