影片
更多
2016-01-19
1804 浏览
元朗，係香港屬於一個遠離主市區既一個小市鎮，但竟然開左一間日式既串燒店。以前，呢一類既餐廳，只會出現係尖沙咀、中環等等地區，而佢地既主要消費群以日本人為主，但今時今日終於拓展到元朗呢一個以本地人居住為主既地區。我本身都係一個元朗人，而呢一間餐廳都開左幾個月，觀察左一段時間，網上食評唔多，眼望佢唔係日日爆場，但有時五、六、日都會好多人咁，但又無做咩優惠，我相信固中一定係有原因，所以最終我決定左去一試。裡裡外外，裝修都比較破格，門口一改平時餐廳風格，只係有一兩塊清水玻璃可以望入餐廳，而成間餐廳就以工業風為主，一改大部分和式裝修既日本餐廳。粗糙既牆身、金色既長吧台、一個又一個既烏絲燈泡，講唔上好高貴，但就係和諧、又帶D型格。今晚，我同三個朋友一齊去試，因為想同廚師傾下計，所以揀左坐吧台。侍應用心介紹各類食物，當中海鮮有喜知次、帶子、鮮蠔、榮螺等等，而主角YAKITOKI，有好多唔同款，仲多個係日本。雞篇 : 免治雞肉棒 - 外層少焦香脆，內層鬆軟嫩口，加埋佢地自家製既醬汁同蛋黃，直頭想再叫多份雞肝 - 用日式醬油去燒，外層脆身，內層唔會過粉雞皮 - 我揀左日式燒法，呢種燒法會令到雞皮一部分脆
以前，呢一類既餐廳，只會出現係尖沙咀、中環等等地區，而佢地既主要消費群以日本人為主，但今時今日終於拓展到元朗呢一個以本地人居住為主既地區。
我本身都係一個元朗人，而呢一間餐廳都開左幾個月，觀察左一段時間，網上食評唔多，眼望佢唔係日日爆場，但有時五、六、日都會好多人咁，但又無做咩優惠，我相信固中一定係有原因，所以最終我決定左去一試。
裡裡外外，裝修都比較破格，門口一改平時餐廳風格，只係有一兩塊清水玻璃可以望入餐廳，而成間餐廳就以工業風為主，一改大部分和式裝修既日本餐廳。粗糙既牆身、金色既長吧台、一個又一個既烏絲燈泡，講唔上好高貴，但就係和諧、又帶D型格。
今晚，我同三個朋友一齊去試，因為想同廚師傾下計，所以揀左坐吧台。
侍應用心介紹各類食物，當中海鮮有喜知次、帶子、鮮蠔、榮螺等等，而主角YAKITOKI，有好多唔同款，仲多個係日本。
雞篇 :
免治雞肉棒 - 外層少焦香脆，內層鬆軟嫩口，加埋佢地自家製既醬汁同蛋黃，直頭想再叫多份
雞肝 - 用日式醬油去燒，外層脆身，內層唔會過粉
雞皮 - 我揀左日式燒法，呢種燒法會令到雞皮一部分脆、一部分林，如果鍾意純脆，可以同師父講港式燒法
雞尾 - 只係用一小部分燒，食落一D SO味都唔覺，咬既時候，油脂係個口都爆發
雞心 - 新鮮雞心，燒香之後，入口比較彈，口感介乎雞肝同雞腎之間
雞翼 - 每隻都開邊，外皮燒至脆口，入面唔會乾晒，可能有人會話都都係雞亦姐，但我個人覺得雞亦好唔 好食，係好細微，而呢隻都係我食過其中一隻比較好食
紫SO葉雞肉 - 係紫SO葉上面加上雞肉，再配上鹽燒，又係另一番既滋味，但就係神奇夾
肉篇 :
五花腩 - 簡單鹽燒，無過燶，夠香，入口滑，唔會UN
牛肋肉 - 熟度恰到好處，每粒放入口、一咬，肉汁都會爆出黎，都係好回味
海鮮篇 :
日本石蠔 : 鮮嫩非常，再加埋佢地果D高湯，味道好難忘
日本太子 : 我明白大部分人都認為生食會好食D，不過佢呢到煮，無將佢完全燒熟，果D鮮甜反而更加出，而且仲好大粒
其他 :
明太子飯團 : 明太子咸香，再配飯去燒，作為尾段都唔錯
咖哩烏冬 : 唔識講，身體話我知要再食一次
食後感 :
食飯傾計果時知道左，兩位企吧頭既師父原來係好有來頭，其中一位係尖東富豪果間日式串燒錦果到做左接近20年，而呢間野出名在香港兩間日式米之連串燒推介入面其中一間，而另一位師父都好勁，係香港天空龍吟(米之連2星)到工作過，兩位對食物既出品非常嚴謹，睇得出果份熱誠。
食物非常注重新鮮，呈現果時以原味提升為原則，所以大部分食物唔會太膿味，而當中我真係食唔到有味精呢個師父，而大部分食物功夫都好多，例如牛肋肉、雞皮等等。
貴唔貴? 我覺得合理，當依家放題都食緊2、300百蚊個人頭既時候。雖然喜之次呢D魚，價錢係比較高，但如果多一個人SHARE，我都會食，因為唔多地方有，煮得好食既都唔多，而出面食亦都比呢到貴，而且其他野價錢都好合理，識得叫一樣可以食得好經濟，絕對唔係有錢人先食到既野。
呢到真係一D都唔叫貴，而且可以食到星級既手勢，係市區一定搵唔番，希望元朗既人會珍惜呢到，呢類既日本餐係元朗比較少見之餘，我認為佢有星級質素。
由於唔係打晒每一樣落去，所以有D要各位自己再去試下，以上係我比較想打出黎既野，而有一部分野我都未食，我會再去，去完就明點解無做優惠都會甘多人，因為值得一去再去，而今次人均消費$400。
张贴
