影片
更多
2022-11-29
47 浏览
雞煲大家就食得多，但係芝士雞煲我都係第一次食😋😋因為本身自己多十分之鍾意食芝士，所以咁啱睇到有間食芝士雞煲嘅，就即刻衝去試🥳餐廳嘅環境十分之闊落，枱同枱中間都會相隔左一段距離，坐起上嚟都好舒服，唔會有好逼擠嘅感覺🫰🏻一坐低就有專人放低個調味盤俾你，調味盤亦都有好多種唔同嘅醬同配菜比客人做選擇，分別有蔥、花生醬、生蒜、炸蒜、辣椒仔同埋芫荽，用嚟打邊爐同埋食雞煲嘅配料都齊全🥳食物方面，我哋就叫咗黃金芝士雞煲、墨魚滑、手打五寶拼盤同埋鮮牛肉😋😋仲叫多左一渣竹蔗茅根，解熱氣一流🫰🏻黃金芝士雞煲（小）⭐️⭐️⭐️⭐️⭐️個黃金芝士雞煲一嚟到嗰陣，已經聞到好大陣嘅芝士味，再望一望個煲，成個煲都係滿滿嘅芝士，淨係望都覺得芝士味會好濃郁😋因為我哋係食雞煲先，所以就咁將個煲拎去加熱將啲芝士熱溶左先。啲芝士溶咗之後，啲芝士會流晒落啲雞上面，每塊雞都會有濃厚嘅芝士汁鋪喺面，每食一啖雞都好似同時食緊一嚿芝士咁😍😍再加上佢嘅雞都好新鮮，唔會食啦有好大浸嘅雪藏味，同埋啲肉質好彈牙，唔會好死實實🫰🏻再加上雖然佢寫到明係細雞煲，但係其實份量都十分之多，基本上如果兩個人去食嘅話就咁食晒啲雞都會飽飽地🤣不過呢個雞煲總括後就講，好食
餐廳嘅環境十分之闊落，枱同枱中間都會相隔左一段距離，坐起上嚟都好舒服，唔會有好逼擠嘅感覺🫰🏻一坐低就有專人放低個調味盤俾你，調味盤亦都有好多種唔同嘅醬同配菜比客人做選擇，分別有蔥、花生醬、生蒜、炸蒜、辣椒仔同埋芫荽，用嚟打邊爐同埋食雞煲嘅配料都齊全🥳
食物方面，我哋就叫咗黃金芝士雞煲、墨魚滑、手打五寶拼盤同埋鮮牛肉😋😋仲叫多左一渣竹蔗茅根，解熱氣一流🫰🏻
黃金芝士雞煲（小）⭐️⭐️⭐️⭐️⭐️
個黃金芝士雞煲一嚟到嗰陣，已經聞到好大陣嘅芝士味，再望一望個煲，成個煲都係滿滿嘅芝士，淨係望都覺得芝士味會好濃郁😋
因為我哋係食雞煲先，所以就咁將個煲拎去加熱將啲芝士熱溶左先。啲芝士溶咗之後，啲芝士會流晒落啲雞上面，每塊雞都會有濃厚嘅芝士汁鋪喺面，每食一啖雞都好似同時食緊一嚿芝士咁😍😍再加上佢嘅雞都好新鮮，唔會食啦有好大浸嘅雪藏味，同埋啲肉質好彈牙，唔會好死實實🫰🏻再加上雖然佢寫到明係細雞煲，但係其實份量都十分之多，基本上如果兩個人去食嘅話就咁食晒啲雞都會飽飽地🤣不過呢個雞煲總括後就講，好食嘅雞再加埋濃郁嘅芝士，十分之出色🥳
五香鮮牛肉⭐️⭐️⭐️⭐️⭐️
米走雞有好多唔同嘅牛肉提供，有澳洲頂級和牛，手必霜降牛等等。但係我今次叫嘅只係一個最普通嘅鮮牛肉，但係都好好好好食！！😋😋食得出佢嘅鮮牛肉都十分之新鮮，好有牛味，完全唔似擺咗好耐出晒血水咁樣，而且佢嘅鮮牛肉質地多十分之彈牙，唔會好似平時出邊打邊爐嘅牛肉咁樣，好韌同埋冇咩牛味👍🏻👍🏻而且佢份量都好多，啲牛肉堆到好似層層疊咁樣🤣
手打五寶拼盤⭐️⭐️⭐️⭐️
咁因為我哋下叫左半份既手打五寶丸，佢分別係墨魚丸、蝦丸、牛丸、豬肉丸同埋鯪魚丸🫰🏻佢嘅蝦丸同埋牛丸我覺得係特別出色嘅，因為首先佢嘅蝦丸真係有鮮蝦喺入邊，所以食落十分之有蝦味同埋有咬口🥳而佢嘅牛丸同人都咁出色，因為佢嘅牛丸咬落去係好冧，唔會好硬身，食落嘅口感好好，真係手打先會做到嘅效果，而且佢嘅牛丸都好有牛味，好食😋
竹筍墨魚滑⭐️⭐️⭐️⭐️
竹筍墨魚滑都幾特別，喺出邊冇咩點樣見過，佢係用嚿竹筍去包住個墨魚滑，所以比較容易夾，唔會散開晒🫰🏻而竹筍食落軟冧冧，但係墨魚滑就好有咬口，所以配埋一齊食個口感都幾特別🥳
6 浏览
0 赞好
0 留言
6 浏览
0 赞好
0 留言
5 浏览
0 赞好
0 留言
7 浏览
0 赞好
0 留言
3 浏览
0 赞好
0 留言
8 浏览
0 赞好
0 留言
4 浏览
0 赞好
0 留言
3 浏览
0 赞好
0 留言
9 浏览
0 赞好
0 留言
张贴
