浜滝

营业中

休息中

宋王臺地鐵站終於都開，自此去九龍城就更加方便。雖然有月台行到九龍城出口有啲距離，不過全程有冷氣，感覺相對舒服。出咗地鐵幾分鐘路程就到居酒屋，門口有燈光閃閃嘅門牌，又寫住居酒屋嘅旗幟，一定唔會miss. 原來舖頭有兩層，樓下有吧枱，三四張細枱，樓上空間感大啲有四至六人枱。Menu都有好多款式，刺身，龍蝦，串燒，拉麵，沙律等。今日嘅空運新鮮魚有真鯛，原條刺身上碟，魚身少少剪過魚皮嗰一邊，魚骨魚頭可以煲個魚湯。個湯加咗黃芽白菜，菇類，蘿蔔絲好清甜，一大鍋都夠二至三人飲。海膽配龍蝦好新鮮，龍蝦肉微微煎過，肉身中間係生，配上香濃嘅加拿大海膽，fresh! 個龍蝦頭可以稍後煮湯或者粥，龍蝦湯相比起真鯛魚湯就濃好多。建議飲咗魚湯先。串燒order左厚厚的白鰻魚，燒得香口，食落好有質感要用刀叉切。