반찬앤쿡 Banchan and Cook (屯門市廣場1期) (已結業)

一間好舒適的韓式餐廳，又有好多嘢食，價錢又唔貴，因此吸引了好多人，尤其係小女生來打卡。呢日嗌咗唔少嘢同朋友share食，"烤雞卡邦尼年糕"就有前菜-韓式泡菜跟，酸辣度適中，勁開胃。烤雞超級滑嫩多汁，卡邦尼芝土味濃，勁邪惡，但又真係好享受呢種感覺。“韓式豬手沙律”，切片的豬手，薄薄地易入口，配埋蕃茄仔，橙粒及沙律菜，好健康。呢排都幾流行番茜food，朋友就揀咗兩樣，佢哋係"番茜海鮮蛋包飯"和"清爽番茜有骨炸雞"，哋蕃茜sauce整到好滑，認真嘥功夫㗎，就咁食又得，跟埋海鮮及有骨炸雞亦都好特別。海鮮蛋包飯有3樣海鮮，大大隻嘅蝦，還有青口和魷魚，對海鮮迷來講非常滿意，蛋包飯的蛋亦係滑捋捋。"濟州綠茶咖啡" 颜值好高吖，綠茶清新味濃，杯面還有3粒小丸子，好cute 🥰甜品"韓式雜莓🍓牛角包窩夫"甜入心裡邊。