○de▽ 鯛白湯らーめん

营业中

休息中

前排放咗個大假，而家又冇得飛，放假都係留係屋企休息，多咗時上網睇片睇美食。咁岩今日去中環，醒起呢間過江龍鯛白魚湯拉麵，就黎咗試一試。鯛沾麵 (每日限量) 上枱時有乾冰墊係麵底，仙氣滿滿，打卡一流。餐廳話乾冰係因為沾麵本身水份不多，會痴埋一團，難以分開一注注，所以貼心地加上乾冰，防止呢件事發生。沾麵用上店家特製的曲曲波浪拉麵，更容易掛湯。濃縮左嘅鯛魚豚骨雞白湯，口感濃厚既魚湯。雖然呢個沾麵冇乜配料，但佢個重點係個湯，而每一注麵都掛滿湯，每一啖都可以受度濃濃的白鯛魚湯，但作為沾麵迷既我覺得咁樣正合我心意。鯛清湯湯底有濃郁，味道好鮮甜不膩，令人不知不覺飲晒啲湯，同店家會配上一小碟自家製的牡蠣油，可以落少少提鮮，另外有2片鯛魚皮，好脆好香，但要儘快享用，唔係浸太耐會淋掉。