影片
更多
2016-07-24
6677 浏览
濃濃嘅馬來西亞風味想一想每個國家都好似有自己嘅著名食品，我無論去到邊一個國家都好，都係偏愛拒嘅湯類食品，例如，泰國的船民湯河，越南的牛肉湯河，台灣嘅牛肉麵。各有各的味道，各有各的特色。我特別中意飲落去熱辣辣嗰種感覺，而且湯味的變化可以好大，有辣有唔辣，好正，好好味。馬來西亞我都好中意拒嘅喇沙湯麵--拒個湯底有小小辣辣地，又有小小似咖哩味，又有椰汁味，配合埋一齊真係好正。呢到嘅喇沙煮出嚟的味道夠唒正宗，好濃好正。再加埋拒呢到超級豐富嘅配料，大大隻的蝦，帶子，仲有蟹棒，魚片，豆卜，剩係食送都夠飽。個麵底都用左兩種唔同麵，好有特式，一碗麵有齊兩種不同享受。杞子雞湯--平時屋企無啖靚湯飲嘅人仕，必飲呢個，飲落雞味重，但又唔會好油，加埋杞子一齊煲，又明目，又補血。再加上細細杯，份量岩岩好。飲完一杯仲有大把位可以食其他。麥皮蝦--超級推薦，第一次喺馬來西亞珍而重之甘叫左一隻食，懷念到依家。以為香港無呢款嘢食，點知原來呢到有，一碟有好多隻，價錢又合理，整出嚟味道好正，甜甜地，麥皮又小小脆，整個配合得好好，煮法好特別，又唔係度度有得食除左避風塘嘅煮法之外，呢個係我第二個最愛。所以要狂食到夠，哈哈。海南
想一想每個國家都好似有自己嘅著名食品，我無論去到邊一個國家都好，都係偏愛拒嘅湯類食品，例如，泰國的船民湯河，越南的牛肉湯河，台灣嘅牛肉麵。各有各的味道，各有各的特色。我特別中意飲落去熱辣辣嗰種感覺，而且湯味的變化可以好大，有辣有唔辣，好正，好好味。
馬來西亞我都好中意拒嘅喇沙湯麵--拒個湯底有小小辣辣地，又有小小似咖哩味，又有椰汁味，配合埋一齊真係好正。呢到嘅喇沙煮出嚟的味道夠唒正宗，好濃好正。
再加埋拒呢到超級豐富嘅配料，大大隻的蝦，帶子，仲有蟹棒，魚片，豆卜，剩係食送都夠飽。個麵底都用左兩種唔同麵，好有特式，一碗麵有齊兩種不同享受。
杞子雞湯--平時屋企無啖靚湯飲嘅人仕，必飲呢個，飲落雞味重，但又唔會好油，加埋杞子一齊煲，又明目，又補血。再加上細細杯，份量岩岩好。飲完一杯仲有大把位可以食其他。
麥皮蝦--超級推薦，第一次喺馬來西亞珍而重之甘叫左一隻食，懷念到依家。以為香港無呢款嘢食，點知原來呢到有，一碟有好多隻，價錢又合理，整出嚟味道好正，甜甜地，麥皮又小小脆，整個配合得好好，煮法好特別，又唔係度度有得食除左避風塘嘅煮法之外，呢個係我第二個最愛。所以要狂食到夠，哈哈。
海南雞飯--滑一滑嘅海南雞，仲去埋骨，食落去好方便，另外再配上三種唔同味道嘅醬汁，一隻雞有三種享受。另外點小得個油飯，陣陣雞嘅香味，再加上小小斑蘭葉的香味，配雞一流。
沙嗲串燒--沙嗲串燒嘅主角當然係沙嗲醬喇，一個好味嘅沙嗲醬好難整得好，又要香又要有小小辣，最好仲有d花生粒，呢到完全合格唒，配埋個串燒肉，一啖肉點一啖醬，好好味。食完成餐嘢，感覺仿如置身喺馬來西亞甘，完全感覺到d風味所在。唔使飛到甘遠先食到，好正丫。晏就一個人，食唔到甘多嘢，真係叫個喇沙食下，滿意程度有一千分丫。
张贴
