Espresso Alchemy (海港城港威商場)

营业中

休息中

小弟今日同女友人黎左海港城行街, 發現疫情緩和左好多， 商場多返好多人逛街食飯.. 我地行到攰就去左cheesecake factory呢頭睇下有咩食， 我地發現開左呢間espresso alchemy, 我之前係美麗華食過覺得唔錯， 咁今次就試下海港城呢間分店啦. 野食我地叫左煙三文魚沙律配檸檬醋醬，一個海港城限定既龍蝦牛油果全日早餐，一個蘑菇芝士意大利飯，一個自家制香草牛肉漢堡伴黑松露沙律醬同一個甜品西多士伴鮮漿果雪糕配自家製焦糖醬.. 味道方面個三文魚沙律好大份，d三文魚好大塊好厚實同d 檸檬醋醬既味好夾.. 個海港城鋪先有既龍蝦全日早餐, 佢隻龍蝦超大隻同厚肉, 好鮮味一d腥味都無撈埋d炒蛋食簡直一流. 個蘑菇芝士意大利飯超creamy ,同埋真係用粒粒大蘑菇肉黎整好足料, 個自家製牛肉漢堡包， 好大個, 傳出陣陣既松露香， 舊漢牛肉超juicy, 好香口同埋個包底都好好味唔錯, 最後我地食埋個西多士， 超香而又唔太甜健康又唔劑, 野飲我地就叫左個熱牛奶朱古力同抹茶鮮奶, 佢d飲品都冷熱適中，糖份恰到好處,cafe整飲品係有一手