燒肉酒場 (已結業)

經朋友介紹，前往尖沙咀食燒肉。有什麼特別？ 朋友話係成吉思汗燒肉，未試過真係要試下。餐廳地點好易搵，就在登龍街樓上舖。餐廳裝修好有日式燒肉店的風味，店舖不大但整潔衛生。 吃肉前先食菜。這份椰菜絲沙律清新得來，個沙律汁先最吸引。沙律汁不止有芝麻味的單調，仲食到混和了黑椒的香味。這個沙律同燒肉好夾。 燒烤爐好特別，係圓拱形的，唔知道係咪好食d。海鮮煎餅正正常常，可以煎得更香口。柚子雞腿雞腿肉冇得彈，燒過後外脆內軟，肉質滑嫩。只係食唔到柚子味。 雞軟骨新鮮炸起，好脆！ 個皮好惹味。 燒羊西冷西冷較少油脂但肉味非常濃郁。個爐愈燒愈好燒，成功將西冷燒成微焦的金黃色。 羊肉湯茶漬飯從未試過呢種配搭！ 又出奇地夾到。個湯係一般茶漬飯上再帶有淡淡羊香，特別適合冬天的茶漬飯。 整體肉類質素高，不是一般放題貨色，值得推介。