影片
更多
2021-04-01
43 浏览
好耐無食過燒肉放題，最近有朋友介紹左旺角呢間主打高級燒肉嘅「八木橋」俾我，專登放半晝過嚟試下。餐廳而家做緊抗疫優惠，只要 like 佢哋嘅 社交平台專頁、喺短片留言「買一送一」及經 whatsapp 訂座，就可以享有 M5 Wet Aged 和牛套餐，二人同行，一人價錢嘅優惠。一坐低店員就會即刻送上多款一次性嘅食物，當中包括有牛肋肉、芝士雞腿肉、豚肉、鮮鮑魚、雞泡魚乾、比目魚、五色刺身同一碟可以任食嘅濕式•熟成 M5 和牛西冷。先吃五色刺身，分量雖然唔多，每樣只係兩件，不過全部都好新鮮，三文魚肥美肉厚，牡丹蝦亦夠哂鮮甜爽彈。用慢火煎下啲牛肋肉，將表面燒至微微焦香，而內裡仍然保持粉嫩，肉質果然唔錯，軟腍中有嚼勁，加上牛肋條用秘製醬油醃過，Juicy 得嚟仲好入味，正。雞腿肉味道亦不俗，燒完後再點埋配上的芝士一齊食，肉質鮮嫩多汁，入口「芝」味十足，而且仲做到拉絲效果，超邪惡又美味。第一次試自己燒比目魚，好彩都無失手， 魚肉非常滑溜，味道帶甜，一點也不膩滯。另外個味醂雞泡魚乾都好正，有咬口得嚟又不會太乾，送酒一流！ 終於輪到試下今次放題嘅主角 M5 和牛西冷，燒到大約 5-6 成熟就已經可
餐廳而家做緊抗疫優惠，只要 like 佢哋嘅 社交平台專頁、喺短片留言「買一送一」及經 whatsapp 訂座，就可以享有 M5 Wet Aged 和牛套餐，二人同行，一人價錢嘅優惠。
一坐低店員就會即刻送上多款一次性嘅食物，當中包括有牛肋肉、芝士雞腿肉、豚肉、鮮鮑魚、雞泡魚乾、比目魚、五色刺身同一碟可以任食嘅濕式•熟成 M5 和牛西冷。
先吃五色刺身，分量雖然唔多，每樣只係兩件，不過全部都好新鮮，三文魚肥美肉厚，牡丹蝦亦夠哂鮮甜爽彈。
用慢火煎下啲牛肋肉，將表面燒至微微焦香，而內裡仍然保持粉嫩，肉質果然唔錯，軟腍中有嚼勁，加上牛肋條用秘製醬油醃過，Juicy 得嚟仲好入味，正。
雞腿肉味道亦不俗，燒完後再點埋配上的芝士一齊食，肉質鮮嫩多汁，入口「芝」味十足，而且仲做到拉絲效果，超邪惡又美味。
第一次試自己燒比目魚，好彩都無失手， 魚肉非常滑溜，味道帶甜，一點也不膩滯。另外個味醂雞泡魚乾都好正，有咬口得嚟又不會太乾，送酒一流！
終於輪到試下今次放題嘅主角 M5 和牛西冷，燒到大約 5-6 成熟就已經可以食得。肉質好軟熟，滲出甘香油脂，幾乎入口即溶。
至於其他任食項目就仲包括有前菜、沙律、即炸揚物、即做天婦羅、多款唔同口味嘅肩脊肉、牛舌、牛胸腹、海鮮、甜品及飲品等。
虎蝦肉質結實，爽口彈牙，一定要番點！
甜品有日式蕨餅、朱古力布朗尼、泡芙、香蕉冰卷、綠豆和果子和明月冰卷等，記得要食埋雪糕同雪條，咁先夠完美！
张贴
