我地食既係平日$338既時段，另加$15醬料同10%服務費，7:30pm入座，無限時，可以食到零晨三點收工，老豆打趣說要反的拎張床過黎
半自助海鮮定食意思係，先睇左邊menu,最上既貝殼盛盆同龍蝦半隻每位都有一份。另外每枱可揀一個粥底，每位可揀一個燉湯。自選海鮮每枱可從10款中選5款，好似我地共4人，5款海鮮各款都係俾4人份量架，真係好抵
而menu 右邊既食物，就係可以任點任食。
飲品都係任飲，自行出去雪櫃攞就可以了。
飲品選擇都非常多，可樂，百事，王老吉，啤酒，汽水酒.....亦有一渣渣既橙汁同竹庶水，我地試左竹庶水，味道淡，只飲到冰糖+水，都係飲汽水好，仲重本提供zero，值得一讚
揀好海鮮，攞完醬料同飲品後，店員就幫我地加入瑤柱淮山粥既材料入窩，然後蓋上蓋，隨後送上雲腿粒冬瓜燉海螺湯，燉湯足料好夠味，海螺肉也很多
第一款海鮮是貝殼盛盆，圖中只係全部既四份之一啊，貝殼盛盆裡大概係有2-3款蜆，名稱唔清楚，每粒都係肉大飽滿的
第二款海鮮係每人半隻龍蝦，明顯地我地既龍蝦一大一小，簡單以蒜泥調味已經好夠味，因為夠新鮮，肉質嫩滑又彈牙！
第三至七款係自選海鮮:
美國石蠔-size巨大，肥美爽口
大連鮑魚，唔算大隻，但極為新鮮彈牙
象拔蚌仔-先切為條狀，加入了粉絲及蒜泥調味，肉質彈牙有嚼勁
龍躉件-肥美肉厚，這樣清蒸能吃到魚本身既鮮味，而且一蒸起即食，肉厚十分嫩滑
日本大元貝-同樣以粉絲墊底及蒜泥調味，裕邊亦預先剪好放旁邊，很細心
食完海鮮其實已好夠飽，而食到呢度其實已回本啦，之前$398個一人餐都無咁多份量既海鮮啊，仲要無包飲品架。
雖然已飽，但係仲有啲食物可任點，我地當然都點啲來試下
我地點左肥牛，豬頸肉，荷葉飯，釀苦瓜，豬肉丸，南瓜，芋頭
每款份量都是每人1-2件，咁就可以樣樣點啲試味，抵讚
另外仲點左份污漕雞
全部味道都唔錯，但唔好忘記仲有個粥未食，吸收哂啲海鮮精華既粥，千其唔好浪費。所以任點既食物都係淺嚐就夠！
最後點左份馬拉糕同紅早糕佢作飯後甜點
馬拉非常糕鬆軟，紅早糕就紅早味欠奉，但非想煙un而且低甜，兩款都幾好味，最後叫多一籠先埋單~
套餐仲包一份飯後水果-西瓜,但實在太飽，食唔落，所以無要到
埋單每位$388，可以食到7款貴價新鮮海鮮，仲有飲品同十多款食物任點，不限時，我地都覺得超級抵食！
