張公館花園 (已結業)

同幾位老友假日喺尖沙咀「張公館花園」飲茶。試過覺得環境同味道都好唔錯，喺度要分享一下！ 特別喜歡依度環境，坐室內室外都可以！ 疫情下做足安全措施 ！例必探熱搓手才可入座，坐位也有屏風相間，相當放心！先飲杯「功夫爹」！有茶燈暖住壺茶，好細心！1664生啤做優惠，兩杯啤+乳鴿一隻176 元，再散叫每杯88元。生啤好香！夠凍好順喉！都抵飲！紅燒乳鴿皮好香脆，肉質鮮嫩多汁味道好好！點左幾樣點心都好好味，其中糯米卷好鬆軟爽口！潮洲粉果食潮洲菜必點嘅，粉果皮煙韌，餡料好好味，沙清甜葛爽口，炸花生又夠香脆，加埋辣椒油冇得頂！聖子皇炒蛋蕃茄蓉好特別嘅菜式，用純蕃茄煮成蓉，原汁原味冇加水份，真係好鮮！蛋香加埋爽甜嘅聖子滿口鮮味！汕頭牛丸豆腐紫菜湯湯底好濃郁，來自汕頭地道嘅牛丸，非常爽口幼滑彈牙！豆腐同紫菜好嫩滑，成個湯真係好鮮甜！個糖醋伊麵都好有水準！佢唔係兩面黃而係一面黃，一面酥脆一面軟滑，加埋糖同醋味道好醒神！好好味！綠豆爽做得好靚！一絲絲橙皮，好香！綠豆同馬蹄好爽口，濃稠，甜度啱啱好，真係好食嘅一道功夫甜品。