Boy n Burger (已結業)

灣仔呢間新開無耐嘅美式burger店甫開業已經吸引唔少人嚟捧場，唔少仲要係外國人添，因為佢嘅burger同炸雞薯條等小食性價比都幾高，$40-50已經有一個burger，而且朝早8點就開架啦，早餐嘅burger仲要再平啲🤩呢度嘅環境貫徹美式風格，牆身仲有佢哋嘅吉祥物Bobby嘅嘜頭，好搞笑，仲可以望到廚房即叫即整所有burger同食物。呢度嘅食物製作有嚴格管制，質素有保證👍🏻👍🏻Bacon Double Cheese Burger牛肉patty煎得好香口，雖然望落唔係好厚但食到肉汁，醬汁配料調味剛好，個包夠哂鬆軟唔會腍身，幾唔錯😗Texas BBQ Chicken Burger 邪惡到爆嘅炸雞burger，大大件炸雞腿啖啖肉，而且仲要幾juicy💦肉質嫩滑，炸粉鬆脆但唔會好厚，味道都唔錯。Chicken Thigh大大件雞腿食到juicy嘅雞肉，面頭嘅調味粉鹹鹹香香都唔錯。Seasoned Crispy Fries薯條份量都幾多，不過再脆啲就更好。人均消費：$90推介指數（10分為滿分）：8分