Greyhound Café (國際金融中心) (已結業)

Greyhound Café系ifc开舖，好多朋友都话要试，好似好巴闭咁~ 昨日咁啱系中环做嘢，于是捉埋同事仔一齐去tea一tea，试下系咪真系咁好食。 一去到就觉得好惊喜，因为环境好型，感觉年轻，半开放式设计好开扬。我同同事都钟意香口食物，所以order咗佢地招牌单骨鸡翼，同埋粟米蟹肉饼，当然唔少得一人一杯冻柠茶!单骨鸡翼：细细只咁，好香脆，又容易食，夜晚𩠌酒应该一流。粟米蟹肉饼：外貌普通，但食入口实在惊为天人，粟米味好浓，而且好脆，加埋甜酸酱食唔停口。冻柠茶：连啲冰都用柠茶来造，就算融咗味道都唔会变淡，唔怪得个个都话必试。两个人食唔落其他嘢，但都特登问侍应攞咗本dessert menu来睇，见到d parfait好靓好想试；另外又见到佢地有早餐供应，有d卖相都几特别，但好多都只限8-11am，希望下次有机会朝早过来中环顺便试下。