影片
更多
2024-03-09
35 浏览
今晚去咗Isquare試吓呢間新開嘅潮洲菜，仲要係新派中菜添。黑色主調嘅裝修再加上，一個型格嘅酒吧，好明顯打年青人市場。今次人少少就叫咗幾味推介菜式「滷水獅頭鵝件」潮洲菜滷水唔少得，獅頭鵝大隻，鵝件都大件。墊底嗰啲豆腐先係最正，吸晒啲鵝油香「菠菜蟹肉羮」入面有件大大舊嘅蟹肉，仲有蟹鮮味。菠菜羹順喉幼滑，啱晒暖一暖胃。「汕頭辣醬福花炒吊龍」呢個有驚喜，吊龍平時會用嚟打邊爐，估唔到炒起上嚟咁嫩滑，而且牛味十足。汕頭辣醬都夠辣又惹味，極之推介。「層出不同」呢個其實一個潮州炒飯，不過面頭加咗紫椰菜碎，做到成個蛋糕咁非常IGable，而且味道都好好，入邊有蝦乾、蜆肉、芋頭粒，非常之鹹香，而且乾身。「燕麥一口薯」最後叫埋呢個甜品，燕麥一絲絲嘅甜味包住紫薯，冇反沙芋咁甜，味道比較精緻。
今晚去咗Isquare試吓呢間新開嘅潮洲菜，仲要係新派中菜添。黑色主調嘅裝修再加上，一個型格嘅酒吧，好明顯打年青人市場。
今次人少少就叫咗幾味推介菜式
「滷水獅頭鵝件」
潮洲菜滷水唔少得，獅頭鵝大隻，鵝件都大件。墊底嗰啲豆腐先係最正，吸晒啲鵝油香
「菠菜蟹肉羮」
入面有件大大舊嘅蟹肉，仲有蟹鮮味。菠菜羹順喉幼滑，啱晒暖一暖胃。
「汕頭辣醬福花炒吊龍」
呢個有驚喜，吊龍平時會用嚟打邊爐，估唔到炒起上嚟咁嫩滑，而且牛味十足。汕頭辣醬都夠辣又惹味，極之推介。
「層出不同」
呢個其實一個潮州炒飯，不過面頭加咗紫椰菜碎，做到成個蛋糕咁非常IGable，而且味道都好好，入邊有蝦乾、蜆肉、芋頭粒，非常之鹹香，而且乾身。
「燕麥一口薯」
最後叫埋呢個甜品，燕麥一絲絲嘅甜味包住紫薯，冇反沙芋咁甜，味道比較精緻。
张贴
