潮江春 (怡和大廈) (已結業)

假期前夕到處到full book , 好彩潮江春仲有位。我們三大三小6:00到，未見人潮，即刻入座。自選四拼，好精緻，可惜份量太少。食潮洲菜，點少得招牌鵝片，頭盤鵝片得三丶四片，於是單叫多碟鵝片，切得好薄，啖啖肉。菠蘿醬燒蝦球，得六粒，略少，蝦肉爽滑，醬汁酸酸甜甜，好入味。咕嚕肉，無乜甜酸味，味道一般。蠔仔粥，粥好鮮甜，落左好多蠔，d蠔夠大隻。南乳炆粗齋，味道普通。蒜片牛仔粒，牛仔粒好淋，啱晒小朋友味道。