正潮樓 (中國太平大廈第一期)

呢間平日晚市都算多客，大家黎之前可以訂咗位先，店員服務態度良好，尤其係男店員，十分細心有禮👍🏻
揀咗個二人特惠套餐，非常抵食，小食有開胃花生➕蒜蓉菜脯，味道不錯

「招牌」金不換炒蟹
肉蟹鮮活肥美，蟹肉鮮甜多汁，濃郁嘅醬汁滲入潮州伊麵底，口感彈牙

滷水鵝三寶
🈶鵝肝、鵝掌、鵝肉及豆腐，鵝肝滑嫩濃郁，鵝掌香口惹味，鵝肉咬落嫩滑

汕頭煎蠔烙
口感有啲似蛋餅，有好多蠔肉，點上醬汁食就更滋味

椒鹽九肚魚
有4大件九肚魚，外皮酥脆，魚肉細膩鮮嫩

牛肉炒芥蘭
芥蘭苗鮮脆爽口，牛肉份量都好多，食落嫩滑入味