明記潮館 (砵蘭180+商場)

营业中

休息中

記得之前荃灣食話明記唔錯，放工經過旺角見到新開左明記潮館，所以同同事黎吹下水放鬆下。呢到地方都幾大，每一角落風格都好唔同， 設計好有心思。見到優惠孖寶套餐比散點便宜，，價，叫左個$388 2隻大瀨尿蝦加妙齡鴿既套餐椒鹽瀨尿蝦大大隻，調味剛好，非常香口，蝦肉質新鮮飽彈牙，配白飯食一流👍🏻鹵水妙齡鴿肉質鮮嫩，整得非常入味，不錯。新開張期間送鹵水拼盤，食材好豐富，有齊紅腸，豬耳，腸等等...鹵水味香濃，最緊要內臟清洗乾淨🙌🏻金銀蛋時蔬，新鮮既白菜仔, 配上鹹香既鹹蛋和口感Q軟既皮蛋, 再加入足料的上湯浸住，美味無窮。即叫即煎，蠔仔大粒且鮮甜，夠哂肥美，蛋味濃郁，剛好熟的口感使蠔仔非常嫩滑。蠔餅外圍焦香，食落脆卜卜，十級滋味。