百樂潮州酒樓

营业中

休息中

Moko多酒樓，但唔多唔少都食兩三間。今日呢間潮州酒樓就第一次食。點心選擇都多，我地人唔少，都叫左幾多點心同潮州野食。鹵水鵝腸，口感爽口彈牙得黎唔會太煙韌，而且都夠入味同冇怪味。煎蠔餅都唔錯，蠔仔都唔少。不過唔知佢地呢種蛋多同煎出黎既係咪先係正宗潮式蠔餅，以前食過厚身但酥脆果種好似惹味d。兩面黃煎得夠脆，沾埋醋同糖，食落索索聲，經典味道。其他點心都做得唔錯，流沙包、蝦餃、咖哩魷魚果d都幾好食。整體黎講，潮州野都唔錯，點心都正常發揮。兩樣都想食果陣，可以黎飲個茶。