影片
更多
2024-02-26
44 浏览
係尖沙咀行到攰突然打冷癮起，又唔想去咁遠，見到ISQUARE有間潮藝館，見仲有位就衝入去醫肚！今晚閒日都差唔多全鋪full booking，好在仲有吧枱比我哋2個無book枱既坐，不過book枱氣氛仲好，完全唔似食潮州菜咁，好潮！我哋點左個鴨屎香單叢茶暖暖個胃先，再慢慢點菜。食潮州菜梗係點個獅頭鵝食，鵝件外表充滿油香，滷水味濃而不咸，皮肉口感恰到好處，墊底豆腐一樣出色，淡淡既滷水香配上豆腐軟滑既口感，真係食完一件又一件。普寧炸豆腐外皮脆口，入面棉密，同普通豆腐好大分別，一舊豆腐兩種享受。跟住一人一碗胡椒豬肚湯，胡椒唔會太勁，飲完成身暖哂，今日老婆唔係幾舒服，所以叫多道菜食，一一道係潮式魚湯浸時蔬，一道係沙嗲牛肉炒芥蘭。魚湯鮮味配上嫩口白菜仔，暖胃舒服。另一道見潮洲菜有沙嗲牛肉就貪得意叫來食，估唔到咁有驚喜，沙嗲香而不膩，淡淡花生香，牛肉味濃，配上改過刀既無渣芥蘭，老婆唔舒服都食左半碟。最後想食下澱粉質，點左個蜆肉鵝肝炒飯作結，炒飯炒得乾身，粒粒分明，配上鵝肝油香，真係食到停唔到口。食到尾聲，老婆好似好返咁仲想食甜品，睇來美食真係能醫百病！叫左個燕麥一口薯，燕麥香到不得了，外表糖霜脆而不
今晚閒日都差唔多全鋪full booking，好在仲有吧枱比我哋2個無book枱既坐，不過book枱氣氛仲好，完全唔似食潮州菜咁，好潮！我哋點左個鴨屎香單叢茶暖暖個胃先，再慢慢點菜。
食潮州菜梗係點個獅頭鵝食，鵝件外表充滿油香，滷水味濃而不咸，皮肉口感恰到好處，墊底豆腐一樣出色，淡淡既滷水香配上豆腐軟滑既口感，真係食完一件又一件。
普寧炸豆腐外皮脆口，入面棉密，同普通豆腐好大分別，一舊豆腐兩種享受。跟住一人一碗胡椒豬肚湯，胡椒唔會太勁，飲完成身暖哂，
今日老婆唔係幾舒服，所以叫多道菜食，一一道係潮式魚湯浸時蔬，一道係沙嗲牛肉炒芥蘭。魚湯鮮味配上嫩口白菜仔，暖胃舒服。另一道見潮洲菜有沙嗲牛肉就貪得意叫來食，估唔到咁有驚喜，沙嗲香而不膩，淡淡花生香，牛肉味濃，配上改過刀既無渣芥蘭，老婆唔舒服都食左半碟。
最後想食下澱粉質，點左個蜆肉鵝肝炒飯作結，炒飯炒得乾身，粒粒分明，配上鵝肝油香，真係食到停唔到口。食到尾聲，老婆好似好返咁仲想食甜品，睇來美食真係能醫百病！叫左個燕麥一口薯，燕麥香到不得了，外表糖霜脆而不甜，反而甜味來自紫薯，唔好甜既我都食左兩舊。
今餐食完真係滿足，老婆都好滿意，話遲啲要再來過。
张贴
