百樂潮州酒樓

营业中

休息中

又係同家人食飯嘅時間！今次選擇咗潮州嘢！潮洲野又點少得滷水鵝呢？肉淹得入味，嫩滑！油脂分布均勻！而且份量都好多！下邊仲有豆腐墊底！超滑又有豆香！滷得入味很不錯！潮州凍蟹亦都係必食嘅佳品！蟹味好鮮甜又嫩，每隻腳都有膏，膏香味濃！可能因為凍食嘅關係，一d都唔漏喉，我個人食左3隻！胡椒豬肚湯入口又甜又辣易入口，胡椒味搶口，本身坐係風口位置嘅我都覺得凍，但飲完之後感到一股暖流，即刻舒服哂！炸雙棗係蝦棗同蟹棗，其實我覺得兩者分別不大，但同樣都好甜，外脆內軟，而且入口彈牙！配上菠蘿同甜酸汁更開胃。香煎蘿蔔洛唔係我杯茶，所以只係淺嘗小小。呢度煎得小小油膩，但蘿蔔清甜甜無渣。雖然已經好飽，但見到呢鍋蠔仔粥材料十足，湯底勁清甜！我都忍唔住食兩碗！飯底煙韌！蠔味鮮甜！好好食！食潮州嘢其中一樣必食嘅事糖醋煎餅，煎得勁脆勁香！沾上小小糖更見咬口，點上小小醋減低油膩感。水晶包我哋都要左豆沙同埋奶黃兩款，我個人試咗豆沙，入口不會太甜，最重要嘅係外皮彈牙煙韌，味道剛好，家人都好喜歡！另外反沙芋都係今晚嘅主角！家人好中意食芋頭，呢度嘅芋頭極之粉！入口充滿芋香！外面一層糖皮炒得好脆又不會死甜！功夫十分到家！我自己仲點咗