福岡漢堡扒 (厚福街) (已結業)

平時朋友約尖沙咀食飯，我第一時間諗起尖沙咀厚福街，厚福街既餐廳差唔多俾我地食曬，今日就完成埋最後一個拼圖－福岡漢堡扒😍我地各左叫左一份芝士蛋蒜和牛漢堡扒，自己可以控制漢堡扒既大小同熟度，真係好過癮。和牛漢堡扒肉味香濃，而且好juicy。漢堡扒上面仲有炸蒜片！平時出街食燒肉既時候，我都好驚一身油煙味，不過職員會將抽氣管對準熱石，所以走既時候身體無油煙味！除左和牛漢堡扒，我仲叫左月見味噌牛丼飯，牛肉份量相當多，另外配料有金針菇同磨菇。蛋黃令整體口感無咁乾。