小倆口台式漢堡蛋餅專賣店 (已搬遷) 新店位置

行完花市決定去天橋底搵野食，基本上只係想食d平平地既野，行行下見到既呢間台式小食店，見唔洗等位就坐低左。露天位置，好似幫襯緊外國d賣小食既van仔咁，幾有feel ;P 總共叫左3樣野食，2杯飲品芒果紅茶、水蜜桃紅茶：無加冰，14$黎講都算大杯。以為會係濃縮個d好假既水果茶，但因為茶好澀既關係，我諗真係有用到茶葉or茶包，但唔算好飲，事關真係幾澀黃金蝦排堡：比想像中好食。其實係個店員介紹既，個醬酸酸地咁幾開胃，不過片蝦排比較林，無咩咬口就失左分，但味道黎講係唔錯肉醬鐵板面(唔記得exactly個名係咩)：個醬無咩特別，但個面幾彈牙，同肉醬都幾match，可以自己係屋企整下xd芝士蛋餅：同平時食d手抓餅唔係幾同，佢個餅係無咁油，感覺唔係幾似酥皮，都幾好食。入面有卡夫芝士同沙律醬，有少少寡，如果叫雙併加d肉可能好味d整體黎講d野食味道都算唔錯，但價錢以路邊野格局加非常普通既用料黎講都有少少貴。食完亦唔覺得個店員特別親切好人之類，反而我叫親咩佢都推介我食第款佢所謂出名既野食，唔係話推介下唔好，但唔好係我叫野食個陣先同我講會好d~___~