Burgerman (埃華街)

营业中

休息中

鵝肝漢堡又成熱話。那邊廂港島區BURGER ROOM搬鋪，這邊廂九龍區這漢堡男人又冒起黎。見樓下咁多人試過都好評。就黎試一個。目標鎖定係鵝肝漢堡。開單先開始整。要有等既心理準備。一拎到黎既第一個感覺係：嘩！玩具黎嫁？淨睇芝士同生菜個位。真係好似係細個玩泥膠壓出黎咁。好有童年回憶。呢到個包對比起BURGER ROOM黎得冇咁大直徑。但係就高身D。細直徑令鵝肝看起來比例大多了。包烘得面脆而內裡鬆軟。鵝肝處理得也好，兩面焦脆而不瀉油。一咬開油香就爆出黎。好彩有酸酸甜甜既黑醋汁平衡下。係芝士被下藏身既係同樣多汁既漢堡。當排牙切開鵝肝爆完一轉。再破開芝士層到漢堡。引發出第二重肉汁既爆炸。牛肉汁MIX埋鵝肝油真係好幸福。個包好吸引同時個薯條都唔輸蝕。外層炸得開脆而內裡係好FLUFFY既薯蓉。個人黎講勁LIKE呢個。同時由於即叫即做。新鮮熱辣。食完個包就ARM ARM好放到入個口。正！亦試左個香草雞翼。同樣係外脆而肉汁豐富。MIX HERB係雞翼既熱力之下湧出陣陣香氣。食完BURGER未夠喉不妨加一客試下