影片
更多
2015-10-05
421 浏览
同朋友預早慶祝中秋節，食好d都係應該既，今次就去左銅鑼灣既螢壽司食日本菜，一入到去整體環境設計為日本風格，乾淨整齊，座位寬敞，待應招呼週到 首先，我地點咗個特上刺身拼盤($398)有三文魚、吞拿魚、海膽、牡丹蝦、魷魚和赤貝，刺身食落新鮮清甜，其中三文魚和吞拿魚尢其出色，前者肉質光澤有彈性，而且食落完全無雪味，後者吾會有渣之餘仲有濃濃的魚鮮味，肉質油脂均勻分佈，肥美爽口。另外，客人亦可以加($10)將牡丹蝦頭炸埋黎食，蝦頭熱辣辣脆卜卜，真係超級好食。之後，我地叫左一份特色壽司拼盤($218)，賣相不錯，入面既壽司全部即叫即做，不得不稱讚下師傅的功力，每件壽司的形狀和大小都一樣，份量適中，加上材料新鮮，完全食到停吾到口。蟹肉蟹子壽司($19)，整體配搭清新，濃郁蟹味的蟹子加上混合左醋的飯糰一齊食，味道出奇地夾，入口時仲有淡淡的海水鹹味，足見用料新鮮。鵝肝壽司($48)，鵝肝食落無筋，入口酥脆不油膩，值得再試 汁燒雞肉串($19)，串燒雞肉外層燒至酥脆，內裡肉質嫩滑，配上特製的燒汁更令味道昇華，十分惹味，而且肉串除雞肉外更有軟骨相隔，具有雙重口感，十分有趣。頂級安格斯肉眼排($1
首先，我地點咗個特上刺身拼盤($398)有三文魚、吞拿魚、海膽、牡丹蝦、魷魚和赤貝，刺身食落新鮮清甜，其中三文魚和吞拿魚尢其出色，前者肉質光澤有彈性，而且食落完全無雪味，後者吾會有渣之餘仲有濃濃的魚鮮味，肉質油脂均勻分佈，肥美爽口。另外，客人亦可以加($10)將牡丹蝦頭炸埋黎食，蝦頭熱辣辣脆卜卜，真係超級好食。
之後，我地叫左一份特色壽司拼盤($218)，賣相不錯，入面既壽司全部即叫即做，不得不稱讚下師傅的功力，每件壽司的形狀和大小都一樣，份量適中，加上材料新鮮，完全食到停吾到口。蟹肉蟹子壽司($19)，整體配搭清新，濃郁蟹味的蟹子加上混合左醋的飯糰一齊食，味道出奇地夾，入口時仲有淡淡的海水鹹味，足見用料新鮮。鵝肝壽司($48)，鵝肝食落無筋，入口酥脆不油膩，值得再試 
汁燒雞肉串($19)，串燒雞肉外層燒至酥脆，內裡肉質嫩滑，配上特製的燒汁更令味道昇華，十分惹味，而且肉串除雞肉外更有軟骨相隔，具有雙重口感，十分有趣。
頂級安格斯肉眼排($118)，選用優質牛肉肉味濃厚，加上燒得恰到好處，表面焦脆但切落去既時候內裡充滿肉汁，口感嫩滑有油香。
甜品拼盤($88)，包括焦糖布甸，紅豆綠茶糕，水果拼盤和雪糕。焦糖布甸食落吾會過甜，入口即溶而且蛋味濃郁，紅豆綠茶糕，紅豆粒粒晶瑩飽滿，綠茶味香，以一間非專業的甜品鋪黎講，甜品均做得非常好。
雖然價錢絕對不平，但無論環境、服務和食物質素都很好，仍是值得推介比大家呢 张贴
