漁獲浜燒 (已結業)

銅鑼灣呢棟樓好多日本餐廳，有唔同嘅主打，今日想食燒海鮮所以揀咗呢間漁獲🍶🦞🦀🐚🦪🍵🙆🏻‍♀️員工介紹呢一支清酒比較fruity甜甜甜地好入口，好夾海鮮，真係唔錯。揀好海鮮之後侍應擺好盤俾我哋睇一次影相先開始燒，好期待😚忌廉蟹肉餅，新鮮炸起熱辣辣脆卜卜送酒一流。一個好開胃嘅沙律，有沖繩海葡萄三文魚八爪魚等等刺身，好豐富，整體質素幾好冇令我失望！長腳蟹腳一大條蟹柳，肉質鮮甜，唔夠喉想食多幾條，但係仲有好其他海鮮等緊我😆波士頓龍蝦嘅大鉗，鮮甜好肉燒鮑魚燒得剛剛好表面乾身入面好juicy啱啱燒好嘅波士頓龍蝦，啖啖肉仲好多膏👍🏻清酒煮螺好清香帶出螺肉嘅鮮甜！主食揀咗呢個和牛石鍋飯，員工上枱後即時攪勻熱辣辣仲有飯焦好香脆，和牛入口即溶拌飯一流🥰最後，甜品柚子雪芭同番薯雪糕，好特別，做一個完美嘅句號。員工服務態度好好又專業，每上一道前菜至海鮮都有禮介紹。抵讚。