影片
更多
2018-04-01
566 浏览
真係唔記得有幾多年未黎過大喜屋，印象中一直係品質既保證，所以岩岩病好想瘋狂食日本野就揀左呢度回味下喇~落單紙分左生、熟食各一疊，另附一張限量既貴價甜品紙，搣紙都搣到手軟。刺身選擇齊全，共有12款，包括三文魚、加拿大松葉蟹腳、北海道鮮帶子、赤貝、北寄貝、甜蝦、虎蝦、劍魚腩、油甘魚、希靈魚、鮑片同東風螺。最令我驚喜既係長腳蟹，由於斬開成細段所以我開頭冇咩期望，點知拆肉後發現係酒店buffet既水準。蟹鉗真係超鮮甜彈牙，瘋狂encore左幾次。唔知點解呢個三文魚腩壽司睇落似火炙三文魚，但細細舊都唔會食到好飽。芥末八爪魚軍艦幾新鮮，紫菜亦夠脆，不過個wasabi真係幾攻鼻，受得辣先好叫。泰式鳳爪同辣味螺肉夠凍開胃。海蜇沙律既海蜇辣辣地幾正，如果可以多海蜇少菜就好喇。炸物方面，芝麻雞翼同炸蠔熱辣辣一貫地好食。 脆炸貓山王第一次食到，估唔到咬開會湧出味道香濃既榴槤蓉，真材實料，必叫！天婦羅炸皮唔會好厚，幾欣賞炸蟹柳品質幾靚夠嫩滑，同埋就算叫好少野都必定連同天婦羅汁上菜。燒物亦幾出色，燒香草羊鞍雖然係全熟，但香口又嫩滑，完全冇羶味。鹽燒牛舌好入味，再厚少少就更好。海燒帆立貝都幾大粒，蛋黃醬同芝士撈埋
落單紙分左生、熟食各一疊，另附一張限量既貴價甜品紙，搣紙都搣到手軟。
刺身選擇齊全，共有12款，包括三文魚、加拿大松葉蟹腳、北海道鮮帶子、赤貝、北寄貝、甜蝦、虎蝦、劍魚腩、油甘魚、希靈魚、鮑片同東風螺。
最令我驚喜既係長腳蟹，由於斬開成細段所以我開頭冇咩期望，點知拆肉後發現係酒店buffet既水準。
6 浏览
0 赞好
0 留言
唔知點解呢個三文魚腩壽司睇落似火炙三文魚，但細細舊都唔會食到好飽。
芥末八爪魚軍艦幾新鮮，紫菜亦夠脆，不過個wasabi真係幾攻鼻，受得辣先好叫。
泰式鳳爪同辣味螺肉夠凍開胃。
海蜇沙律既海蜇辣辣地幾正，如果可以多海蜇少菜就好喇。
炸物方面，芝麻雞翼同炸蠔熱辣辣一貫地好食。 脆炸貓山王第一次食到，估唔到咬開會湧出味道香濃既榴槤蓉，真材實料，必叫！
天婦羅炸皮唔會好厚，幾欣賞炸蟹柳品質幾靚夠嫩滑，同埋就算叫好少野都必定連同天婦羅汁上菜。
燒物亦幾出色，燒香草羊鞍雖然係全熟，但香口又嫩滑，完全冇羶味。
11 浏览
0 赞好
0 留言
海燒帆立貝都幾大粒，蛋黃醬同芝士撈埋冇可能唔好味。
豉椒炒花甲幾有大排檔風味，大部分蜆都連殼，幾新鮮。
和風汁炒牛柳意外地好有水準，有鑊氣又吸哂彩椒既香味，叫一份唔多夠喉。
避風塘炒特大海皇蝦冇改錯名！ 大蝦近乎手掌咁大，最難得係爽口彈牙，新鮮到想食哂d蝦膏。
5 浏览
0 赞好
0 留言
飲品選擇都幾特別，大半都冇係其他放題見過。
揀左真露桃啤、甘蔗汁、烏龍茶同板町碧螺春綠茶。
真露桃啤其實冇咩酒味，似桃味汽水多d，味道唔太假幾好飲。
甘蔗汁味道天然，唔會太甜，解渴一流。
甜品紙分左兩款，左面可以任叫，右面"雪糕/雪條"就只此一張，每人限叫一款。
伯爵朱古力杯同北海道3.6牛乳布甸濃郁幼滑，榴槤糯米糍同樣係真榴槤肉，好滿足。
打聽到季節限定甜品係Haagen dazs 焦糖奶油脆餅味，就決定要一個啦~
6 浏览
0 赞好
0 留言
8 浏览
0 赞好
0 留言
Milk Top海鹽雪糕係帶微咸既雲尼拿味雪糕，香氣好特別，個人覺得出色過Haagen dazs，有衝動買返幾杯。
店員態度親切友善，上菜個幾秒唔知點解都講到下笑，氣氛幾輕鬆愉快。
张贴
