影片
更多
2024-11-20
294 浏览
一出Lift門就感覺好似番左日本咁。環境簡約得嚟舒適闊落，師傅講解詳細，仲同客人好多互動，小酌一杯。25品包括Sashimi、Otsumami、Sushi、湯同甜品。成個套裝配搭豐富，食材配搭平衡令成件事好圓滿。沖繩水雲伴蟹肉，香甜蟹肉加上水雲同醋，食落幼滑，酸甜開胃。鮟鱇魚肝口感順滑，柚子酸汁平衡番果種油脂不失嫩滑香酵。感覺配搭新鮮，食落口感得意嘅真鯛薄切包海膽豆腐，帶出魚味仲係口腔帶出海膽甜味。粒貝同北寄貝同食落充滿鮮味，有埋師傅刀功令佢地嘅口感帶爽脆。少有地見住師傅即席捉起同劏沖繩小龍蝦，蝦肉唔稱得上超鮮甜，不過好適合配埋豉油一齊品嚐。另一個喜歡嘅係黑鯥魚經過灸燒帶出香，彈口魚肉加埋醬油同蔥令佢嘅鮮美更突出。牡丹蝦大隻鮮甜加埋經處理嘅蝦膏食落好濃郁，唔係平日就咁食蝦同食蝦膏會有嘅香濃。今晚第一次食筋子，咬爆果下咸鮮味大爆發，比平日食開嘅魚料多左塊膜，未話太習慣但係味道係更出。今日仲要有唔同級數海膽，分別有醬油漬赤身海膽卷，赤身包住海膽同蘿蔔苗，咸鮮得嚟有甜味，又有陣草苦味平衡，層次豐富。另有紫海膽天婦羅，略帶黏口令海膽甜味持久不散。加埋最後一道嘅淡雪鹽白海膽鱈魚乾，食落海膽肉質嫩
25品包括Sashimi、Otsumami、Sushi、湯同甜品。成個套裝配搭豐富，食材配搭平衡令成件事好圓滿。
沖繩水雲伴蟹肉，香甜蟹肉加上水雲同醋，食落幼滑，酸甜開胃。鮟鱇魚肝口感順滑，柚子酸汁平衡番果種油脂不失嫩滑香酵。
感覺配搭新鮮，食落口感得意嘅真鯛薄切包海膽豆腐，帶出魚味仲係口腔帶出海膽甜味。
粒貝同北寄貝同食落充滿鮮味，有埋師傅刀功令佢地嘅口感帶爽脆。
少有地見住師傅即席捉起同劏沖繩小龍蝦，蝦肉唔稱得上超鮮甜，不過好適合配埋豉油一齊品嚐。
另一個喜歡嘅係黑鯥魚經過灸燒帶出香，彈口魚肉加埋醬油同蔥令佢嘅鮮美更突出。
牡丹蝦大隻鮮甜加埋經處理嘅蝦膏食落好濃郁，唔係平日就咁食蝦同食蝦膏會有嘅香濃。
今晚第一次食筋子，咬爆果下咸鮮味大爆發，比平日食開嘅魚料多左塊膜，未話太習慣但係味道係更出。
今日仲要有唔同級數海膽，分別有醬油漬赤身海膽卷，赤身包住海膽同蘿蔔苗，咸鮮得嚟有甜味，又有陣草苦味平衡，層次豐富。另有紫海膽天婦羅，略帶黏口令海膽甜味持久不散。加埋最後一道嘅淡雪鹽白海膽鱈魚乾，食落海膽肉質嫩滑水分會更重，大大粒，再長身啲味道較清雅，口感鮮明，帶有淡淡海水同鹽味。係一個圓滿收尾。
當然海膽刺身之間嘅磯煮鮑魚撈蟹膏醬、甘鯛立鱗燒、蟹醋啫喱壽司同大拖羅都好出色。
最後配上小龍蝦頭嘅鮮甜清湯，
同甜品菠蘿雪芭配雷電蜜瓜，完！
张贴
