韓燒大叔

营业中

休息中

香港依家韓式燒肉都係單點嘅多，放題形式比較少，呢一間感覺唔錯喎，晚市放題每位$298，可以加$88有埋刺身海鮮啤酒任食任飲🤩外面自助區有各款韓式冷盤，亦提供蔬菜、汽水同甜品。燒烤食物方面, 店家會一開始每台客人提供8碟肉品，全部都係店鋪最受歡迎既選擇😆 不過我地兩個女仔黎食，一開始嘅8碟稍微有點多～安格斯牛下肩胛、雞肉、豬頸肉都好食👍🏻一口牛大大粒，食落冇筋海鮮點咗海虎蝦同扇貝，大隻好食。另外有多款韓式熟食，推介柚子單骨雞翼、野菜粉絲。食物水準都唔錯，幾欣賞呢度用小碟嘅形式上菜，每次上嘅份量啱啱好，而且食物唔會過分嘅調味😆 環境企理乾淨，整體上油煙味唔算好勁，推介！