在家 (已結業)

今日又係日本餐，無得去日本旅行，唯有食日本餐開心一下。「在家」店面雖細，不過有和式風味，喜歡粗糙的木檯及木櫈的感覺，唔通日本人屋企都係用木製傢具？點選了燒牛油果綜合粒粒魚丼、燒牛油果雞扒溫泉玉子丼，日式豬軟骨胡麻醬冷烏冬。自己幾鐘意食牛油果，除咗因為係健康又有益之外，口質軟軟綿綿，配上粒粒刺身，減少了魚生的腥味，亦不會太膩。豬軟骨胡麻醬配冷烏冬亦十分清新可口，加上半熟溏心蛋，黏黏稠稠很吸引，味道一流。