割烹 櫓杏 (iSQUARE國際廣場)

营业中

休息中

嗰日同朋友去尖沙咀食日本料理，體驗咗精緻嘅 Omakase。每一道菜都係大廚精心烹調，味道同擺盤都令人驚艷！首先前菜有【揚銀杏 & 鵝肝】，揚銀杏外層酥脆，入面卻保留咗銀杏嘅滑嫩同微苦，口感好有層次；而鵝肝就係外酥內嫩，味道濃郁又唔會滯，簡直就係奢華嘅享受！之後食咗各種各樣好味嘅刺身、天婦羅同牛肉等等。最令我驚喜嘅係【燒物 - 柚紅樽魚】，魚肉細緻鮮嫩，帶有柚子嘅清香，酸酸甜甜嘅味道令成道菜特別清爽，每一啖都充滿享受。之後就係壽司十件，當中我最鍾意嘅係【海膽壽司】，滿滿嘅海膽放喺壽司飯上面，食落去可以感受到海膽濃郁嘅鮮味同入口即化嘅感覺，食完真係難以忘懷，其他壽司都好新鮮好味。跟住就係好飲嘅味噌湯。最後梗係唔可以錯過甜品【熊本荒尾梨同蜜瓜】，梨清甜多汁，口感爽脆，蜜瓜鮮甜可口，完美咁喺嘴入面融化。