蒸蒸日上倫哥私房菜 (已結業)

（有訂檯19:30，好full19:15 已爆場)一家八人好耐無試過出街火鍋，聽朋友說這裏的海鮮好新鮮，雞煲亦不錯，儘管一試上了閣樓的房，隔離檯十幾個女人好嘈講嘢好大聲，可能閣仔樓底低加上困著的聲，覺得好壓迫。講返食嘢，一來到上左前菜，醋木耳+豆。味道不錯，但有屋企人話重味精，我唔識分 。之後先叫了雞煲小辣（分五種bb辣,微辣，小，中，大）食落唔夠辣，但佢放低左盤調味了， 自己加了芫茜，及指天椒 好惹味。本身雞煲味道唔錯，仲比埋碟水魷魚，柏葉，豬皮（份量唔系好大碟）放落去，索晒味嚟食，只是叫了小辣唔夠辣。食完一煲，屋企仲欠一人，又餓，再嚟加多隻雞 兩碟柏葉水魷豬皮（食完雞煲會轉另一個煲火鍋湯底煲）轉湯鍋前無限添食，再嚟中辣，今次好鬼正。。。 但細妹又話過辣食完雞煲，換了湯煲，蕃茄湯底+$30有隻波士頓龍虾，見$30 一檯 唔系$30一人，都值得試吓。上檯見都真系唔錯 食落肉都系實的的 不系梅嘅牛肉就兩個人一碟，聖子，龍蠆，帶子，蠔無得添食，虾，蜆，雜菜，粟米，響鈴，都任食，汽水五花茶任飲最令我意外系，一人一盅燉烏雞湯，一隻鮑魚，一隻粉蒸貴妃蚌最後臨走再比多個燕窩燉旦白。 大滿足 27