667
13
25
餐厅: 蟹仙海鮮蒸氣鍋 (龍崗道)
资讯:

为推动全港减盐减糖新饮食文化及新生活态度,环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」,参与食肆会提供少盐少糖选项予顾客,部份更会提供特定减盐减糖菜式。参与减盐减糖食肆会获发计划标志,以供张贴於店舖内,供顾客识别。详情可在此浏览:https://www.eeb.gov.hk/food/cn/committees/crss/restaurants.html

等级3
78
0
天氣凍咗,就想食一啲熱辣辣嘅嘢。朋友仔話想食蒸海鮮,仲話想試吓新野,貴價少少🤏嘅。咁踏入2022年,都想食返餐好嘅。朋友仔哇聽講呢一間蒸海鮮嘅質素唔錯,咁我同佢就一齊嚟試吓啦。冇諗過今日突然間宣布,兩日後晚市堂食就冇啦。咁我哋就講咗上尾班車去食呢一餐最後嘅堂食晚餐。圖一坐低,姐姐就介紹佢哋海鮮嘅來源。佢話因為呢度嘅老細同海鮮供應商好熟,可以攞到不同嘅貨源又新鮮、有獨特。佢介紹我哋食呢個399嘅餐,加幾十蚊有埋個粥底。呢個價都係我哋心目中嘅budget,作為第一次試呢一間舖頭,係一個中價嘅位置。同好多蒸海鮮嘅舖頭一樣,都係有職員幫手將海鮮放入去喎,然後計時間征。姐姐好熟手,一路介紹每一樣海鮮嘅來源同埋特點,一路幫我哋蒸海鮮。姐姐話味道係由淡至濃,咁就可以食出海鮮嘅鮮味。順序如下:深海海星斑🐟越南大虎蝦🦐台灣九孔鮑魚🦪韓國慶南珍珠蠔🦪紐西蘭刀貝蚌🐚紐西蘭月亮貝🐚大西洋野生青口🐚澳洲青年龍蝦🦞罕有大黃奄蟹🦀有機蔬菜籃🥬粥🥣佢都唔建議我哋落豉油,因為本身海鮮已經係好鮮甜,豉油會cover左海鮮嘅鮮味。我同朋友仔嘅食後感,我覺得所有海鮮都非常之新鮮。同一般嘅蒸海鮮舖頭係真係唔同。所有嘅海鮮,尤其
更多
天氣凍咗,就想食一啲熱辣辣嘅嘢。朋友仔話想食蒸海鮮,仲話想試吓新野,貴價少少🤏嘅。咁踏入2022年,都想食返餐好嘅。朋友仔哇聽講呢一間蒸海鮮嘅質素唔錯,咁我同佢就一齊嚟試吓啦。

冇諗過今日突然間宣布,兩日後晚市堂食就冇啦。咁我哋就講咗上尾班車去食呢一餐最後嘅堂食晚餐。

圖一坐低,姐姐就介紹佢哋海鮮嘅來源。佢話因為呢度嘅老細同海鮮供應商好熟,可以攞到不同嘅貨源又新鮮、有獨特。佢介紹我哋食呢個399嘅餐,加幾十蚊有埋個粥底。呢個價都係我哋心目中嘅budget,作為第一次試呢一間舖頭,係一個中價嘅位置。

同好多蒸海鮮嘅舖頭一樣,都係有職員幫手將海鮮放入去喎,然後計時間征。姐姐好熟手,一路介紹每一樣海鮮嘅來源同埋特點,一路幫我哋蒸海鮮。姐姐話味道係由淡至濃,咁就可以食出海鮮嘅鮮味。順序如下:

深海海星斑🐟
越南大虎蝦🦐
台灣九孔鮑魚🦪
韓國慶南珍珠蠔🦪
紐西蘭刀貝蚌🐚
紐西蘭月亮貝🐚
大西洋野生青口🐚
澳洲青年龍蝦🦞
罕有大黃奄蟹🦀
有機蔬菜籃🥬
粥🥣

0 浏览
0 赞好
0 留言
0 浏览
0 赞好
0 留言
0 浏览
0 赞好
0 留言

1 浏览
0 赞好
0 留言


佢都唔建議我哋落豉油,因為本身海鮮已經係好鮮甜,豉油會cover左海鮮嘅鮮味。我同朋友仔嘅食後感,我覺得所有海鮮都非常之新鮮。同一般嘅蒸海鮮舖頭係真係唔同。所有嘅海鮮,尤其係貝殼類,佢哋都相當Juicy。一咬落去就覺得好幸福,鮮甜嘅海水味充滿成個口腔,而且肉質非常彈牙,整個感覺非常之好。


店舖姐姐推介,最好食係青口。但我自己就認為係貝殼類,尤其係月亮貝。另外,澳洲青年龍蝦我都好欣賞,因為佢夠大隻,啖啖肉,而且真係好青年因為非常幼嫩😂😂。

1 浏览
0 赞好
0 留言
1 浏览
0 赞好
0 留言
2 浏览
0 赞好
0 留言
1 浏览
0 赞好
0 留言


平時食蒸海鮮,就會覺得個肚有啲空虛。雖然放咗好多海鮮落口,但冇粒米落肚就有啲寡。食埋個粥就非常完美。本身個粥底係有豬骨同埋芋頭粟米,係一個咸骨粥,加埋蒸海鮮嘅海水精華,成個粥perfect,尤其係而家咁凍食完真係暖在心頭。後尾姐姐端出糖水,係椰汁燉官燕。為呢個蒸海鮮嘅一餐完美落幕。

2 浏览
0 赞好
0 留言

1 浏览
0 赞好
0 留言

總結,我認為我如果大家想食有質素嘅海鮮,呢一間係唔錯嘅選擇。399來講,有呢個質素嘅海鮮真係非常之相宜。想食好啲,大家就可以試吓啦。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食