宏 (已搬遷) 新店位置

今日同男親黎左宏食晚飯，雖然係七點晚飯時間，但好彩唔洗Book枱都可以即刻入座。三心兩意既我點左迷你三彩丼定食。內容超級豐富，有小碗鰻魚飯、小碗吞拿魚碎魚生飯同小碗海藻烏冬，仲送埋沙律、小抹茶蛋捲同埋錫蘭紅茶！定食入面鰻魚飯同魚生飯都幾有驚喜鰻魚頗稔，唔太多骨，而且醬汁係適中既甜，同鰻魚配合得剛好。而魚生飯黎講，呢個吞拿魚碎一啲都唔腥，食曬成碗都唔會膩*迷你三彩丼定食 $148*最後，侍應好貼心等我地食曬主食先上甜品。抹茶蛋捲好鬆軟，而且抹茶味濃郁。平時好驚蛋捲中間既奶油會好膩，但呢個蛋捲完全唔會*小抹茶蛋捲*總括黎講，我會覺得呢餐滿足我多個願望！定食可以試到唔同款式既食品，最重要係包埋甜品唔好睇佢全部都細細份，但其實整體份量都好多咖！