影片
更多
2017-09-11
237 浏览
見到YouTube 有人介紹過呢間火鍋放題，見到啲和牛勁靚，兩個鐘嘅火鍋放題，7點半前埋單有85折，於是訂左位食五點半食。不過果日落大雨，我搭火車去到太和都仲要搵路，雖然最後搭的士過去，但都已經遲左半個鐘去，食得90分鐘，有啲蝕。呢間野除左火鍋，仲有自助炸物玩，不過我一心入黎食和牛，於是炸左兩串就冇玩了。炸串都係炸下芝士丸吖，海鮮蔬菜咁，味道就普通啦，不過勝在好玩。火鍋湯底講起，我覺得自己揀錯湯底，揀左牛乳湯底，唔係話佢個湯做得唔好食，只係因為我個湯用黎煮靚牛有啲唔夾，而且食和牛其實好“漏“，應該搵個清啲嘅湯底會好啲，不過煮其他菜吖，拉麵吖果啲都好好食。點單時，佢地會問你有冇野唔食，例如海鮮，豬肉，雞肉，湯底上左之後，佢地就會每種肉送一碟過黎。和牛佢都有兩種，澳洲同日本a4和牛，都有三個唔同部位，相比之下，日本和牛好食好多，一入口就有果種濃郁嘅脂肪味，食和幾碟其實都好“漏“，不過好好食。日本和牛都唔係全部都正，我淨係鐘意牛肩>三角腩>牛下膝，所以後來追加牛肉嘅時候都只加牛肩同三角腩，但牛肩啲肥油真係好多，雖然好正，食得多會覺得好漏，最後其實都唔係加左好多碟，除左和牛之外
呢間野除左火鍋，仲有自助炸物玩，不過我一心入黎食和牛，於是炸左兩串就冇玩了。炸串都係炸下芝士丸吖，海鮮蔬菜咁，味道就普通啦，不過勝在好玩。
火鍋湯底講起，我覺得自己揀錯湯底，揀左牛乳湯底，唔係話佢個湯做得唔好食，只係因為我個湯用黎煮靚牛有啲唔夾，而且食和牛其實好“漏“，應該搵個清啲嘅湯底會好啲，不過煮其他菜吖，拉麵吖果啲都好好食。
點單時，佢地會問你有冇野唔食，例如海鮮，豬肉，雞肉，湯底上左之後，佢地就會每種肉送一碟過黎。和牛佢都有兩種，澳洲同日本a4和牛，都有三個唔同部位，相比之下，日本和牛好食好多，一入口就有果種濃郁嘅脂肪味，食和幾碟其實都好“漏“，不過好好食。日本和牛都唔係全部都正，我淨係鐘意牛肩>三角腩>牛下膝，所以後來追加牛肉嘅時候都只加牛肩同三角腩，但牛肩啲肥油真係好多，雖然好正，食得多會覺得好漏，最後其實都唔係加左好多碟，除左和牛之外，其他普通牛，豬肉羊肉雞肉海鮮我地都冇再追加，質素好一般，而且當你食完和牛其他肉真係唔會想再食費事浪費自己quota。順帶一提，海鮮唔新鮮。
火鍋當然唔少得自助bar,啲菜都好新鮮，仲有好多魚蛋，烏冬，拉麵，沙拉，凍豆腐小食等，種類都唔算少，就算唔係食呢個和牛餐嘅，都唔驚少野食嘅。
除左火鍋同炸物，佢仲有刺身放題，都ok嘅，新鮮，但我都冇食好多，始終主角係和牛嘛。
食到最後，食埋杯dryers 雪糕作結尾，超飽超滿足。
總結：食咁靚嘅和牛368一位，仲有85折真心扺食，不過一係要5半食，一係就等宵夜時段先有折，我食五半果批，7點就截單，夠鐘佢就會叫我走，勝在佢上菜夠快，我食得 90分鐘都唔會話唔夠時間食。而且有炸串，好好玩
和牛
17 浏览
0 赞好
0 留言
海鮮
10 浏览
0 赞好
0 留言
普通牛
8 浏览
0 赞好
0 留言
羊肉
11 浏览
0 赞好
0 留言
雞肉
7 浏览
0 赞好
0 留言
豬肉
11 浏览
0 赞好
0 留言
张贴
