瀛舍 (已結業)

兩個朋友都係荃灣友, 無奈2:1下, 要應約去荃灣食飯. 我想想壽司, 朋友話想食日本野但偏向熱食, 另一個話無所謂, 食得飽就得. 放題可以滿足晒三個願望, 於是就跟朋友來瀛舍.劃完野食, 去拎野飲, 品種好多, 連果汁先生都有, 有隻冬瓜茶幾好飲(好似唔覺市面有賣) 剌身盤: 賣相一流, 有冰保鮮, 好少放題要花心思同成本咁做, 當中三文魚同蝦最鮮甜, 入口軟綿壽司: 黑松露壽司非常比色, 我叫左幾轉, 黑松露的濃郁菇菌味同三文魚油脂鮮甜幾夾, 飯亦握得夠黏夠實不會散開, 火灸三文魚腩入口溶化, 魚油緩緩慘出配合焦香味, 又係要encore.其實熱食有好多選擇, 但我主要食剌身壽司都飽, 所以熱食只食左幾樣. 鹽燒蝦夠香脆, 味道無過咸或唔夠味, 羊架肉嫩有肉汁, 麻醬烏冬夠彈幾滑, 蟹粥蟹鮮甜粥棉甜品都好多款式, 連爆谷都有, 仲可以自製心太軟, 但已經飽了, 所以只知食左幾款, 普遍唔會太甜, 但無咩特別三個人邊食邊吹水, 滿足地埋單走人, $238 加一