影片
更多
2017-04-28
86 浏览
久違嘅打邊爐，有時好想食啲高質素嘅，但又唔想逐樣逐樣叫咁計住條數！朋友就大推話尖沙咀有間台式半任食邊爐，有特飲，有手工配料，有任食！聽到我口水都流哂，即刻試呀！因為早入場有優惠會平啲，個日我地都無咩野做，就食咗五點早場。環境幾大咖，係落地庫嘅。位置都坐得舒服，四人卡位空間感十足。一坐低就已經有個醬料九宮格比我地調自己嘅個人口味！炸蒜麻醬辣醬呢啲重口味野都有齊咖。另外仲有兩款任食前菜手工麻辣麻醬手撕雞同秘製麻辣木耳份量細細份，岩哂咩都試下唔怕會食飽。手撕雞麻醬味夠哂濃郁，個人中意木耳多啲，爽口帶小小麻同酸，開胃！個鍋有五款選擇，有雞煲，牛，同清湯揀。我地就試咗沙茶雞鍋好有台灣風味！沙茶醬夠濃夠惹味，最驚喜係每一舊都係雞脾肉呀！食落啖啖肉，而且脾位夠哂滑。每兩個人就會有一碟肉送嘅手切安格斯牛頸脊一碟份量都好多呀！牛雪花均勻，牛頸脊入口有咬口，而且肉味濃。有別入口即溶嘅肥牛，我更加中意牛頸脊入口後久久不散嘅牛香味。101特選火鍋手工拼盤呢個手工拼盤好豐富，全部都係手工制嘅台式特式丸類。包括墨魚汁烏結糖、太極冬菇、安格斯霜降牛丸、黑松露蟹肉餃、黑松露蟹子海鮮軍艦、黑松露芝士豚肉餃、三重芝士先製
朋友就大推話尖沙咀有間台式半任食邊爐，有特飲，有手工配料，有任食！
聽到我口水都流哂，即刻試呀！
因為早入場有優惠會平啲，個日我地都無咩野做，就食咗五點早場。環境幾大咖，係落地庫嘅。
位置都坐得舒服，四人卡位空間感十足。
一坐低就已經有個醬料九宮格比我地調自己嘅個人口味！炸蒜麻醬辣醬呢啲重口味野都有齊咖。
另外仲有兩款任食前菜手工麻辣麻醬手撕雞同秘製麻辣木耳
份量細細份，岩哂咩都試下唔怕會食飽。手撕雞麻醬味夠哂濃郁，個人中意木耳多啲，爽口帶小小麻同酸，開胃！
個鍋有五款選擇，有雞煲，牛，同清湯揀。
我地就試咗沙茶雞鍋
好有台灣風味！沙茶醬夠濃夠惹味，最驚喜係每一舊都係雞脾肉呀！
食落啖啖肉，而且脾位夠哂滑。每兩個人就會有一碟肉送嘅
手切安格斯牛頸脊
一碟份量都好多呀！牛雪花均勻，牛頸脊入口有咬口，而且肉味濃。
有別入口即溶嘅肥牛，我更加中意牛頸脊入口後久久不散嘅牛香味。
101特選火鍋手工拼盤
呢個手工拼盤好豐富，全部都係手工制嘅台式特式丸類。包括墨魚汁烏結糖、太極冬菇、安格斯霜降牛丸、
黑松露蟹肉餃、黑松露蟹子海鮮軍艦、黑松露芝士豚肉餃、
三重芝士先製蝦丸同埋三重芝士先制墨魚丸。
個人最中意墨魚汁烏結糖同黑松露芝士豚肉餃！
墨魚汁烏結糖外表真係好似台灣烏結糖，有好濃好濃嘅墨魚味。
而且咬落每一啖都食到好爽口嘅墨魚軟骨，口感勁得意，非常之特別同難忘。
另外黑松露芝士豚肉餃亦都係我心水推介。
入口黑松露味充斥住整個口腔，係勁香。
而且芝士豚肉入口有種半溶嘅感覺，同黑松露好夾。
手工即炸響鈴卷拼手工即炸炸魚皮
估唔到有新鮮即炸嘅響鈴同魚皮！響鈴非常巨型，一舊可以分開兩舊先係平時食嘅size。
因為係即炸，所以就咁食都好香脆。
炸魚皮又係夠哂香脆，輕輕過一過湯，吸咗沙茶味更加正。
另外仲有好多任食配料咖！我地食咗頭先咁多野已經更飽，但眼利嘅我發現到有得任食芝士竹輪呀！
仲有八寸長嘅蟹棒！估唔到任食配料都咁高質！
唔好以為就咁就完，仲有好邪惡嘅台式特飲。
我地試咗四款有青蘋果可樂沙冰、柑橘檸檬雪碧沙冰、盆栽香芋珍珠同埋蜂蜜水果冰茶！
唔係講笑，杯杯都勁大杯同平時餐廳叫幾十蚊一杯嘅特飲無分別咖！
食到最後，仲有甜品木糠珍珠奶茶布甸食！真係又飽又好食又滿足呀！
张贴
