影片
更多
2016-11-27
571 浏览
轉冷的天氣，同老婆搵食，老婆大人提議食家中附近的新食店。岩岩好門口可以泊車。店名好特別，叫「滿粥」，原來係用粥來打邊爐，幾有新意。套餐只有一款，包沙律、海鮮、火鍋生料、蔬菜、粥底。任何日子同時段都係同一價格$198全包，十分簡單。套餐內唯一要用腦的就是自選五款火鍋生料。先上沙律，在等待粥水滾起時，可以頂下肚，唔駛眼金金。粥水奶白色，頗為清淡，但及後就食到佢的美味之處了。沙律食得七七八八，粥水滾起之際，就係海鮮架上台之時。份量之大，都幾震撼，有三層滿滿的。蜆肉同鮑魚非常厚肉，甚有睇頭，食落鮮味十足，口感一流。我最鍾意的蟹肉，大大隻霸住第二層。落粥煮後蟹膏蟹黃大大量浮出。蟹肉都好豐滿，夠鮮味。淥過海鮮後的湯變成黃金色，好濃郁的鮮味。隨後就是五款自選生料，質素都唔低，比普遍的任食火鍋佳。我地加左一份要科水的手切肥牛，油脂分佈好均勻，有好香濃牛肉味，而且份量都好足。食到差唔多，店員就會過來加入一份蔬菜，煮好再下粥底。粥底煮均後再來一隻生雞蛋，令粥底更杰更有口感。成了！粥底米氣足，再吸收哂所有海鮮的精華，非常鮮甜好味！火鍋食得多，呢個形式算係第一次，又幾新奇。價格只有一款，入到去咩都唔駛諗，店員
套餐只有一款，包沙律、海鮮、火鍋生料、蔬菜、粥底。任何日子同時段都係同一價格$198全包，十分簡單。套餐內唯一要用腦的就是自選五款火鍋生料。
先上沙律，在等待粥水滾起時，可以頂下肚，唔駛眼金金。
粥水奶白色，頗為清淡，但及後就食到佢的美味之處了。
沙律食得七七八八，粥水滾起之際，就係海鮮架上台之時。份量之大，都幾震撼，有三層滿滿的。
蜆肉同鮑魚非常厚肉，甚有睇頭，食落鮮味十足，口感一流。
我最鍾意的蟹肉，大大隻霸住第二層。落粥煮後蟹膏蟹黃大大量浮出。蟹肉都好豐滿，夠鮮味。淥過海鮮後的湯變成黃金色，好濃郁的鮮味。
隨後就是五款自選生料，質素都唔低，比普遍的任食火鍋佳。
我地加左一份要科水的手切肥牛，油脂分佈好均勻，有好香濃牛肉味，而且份量都好足。
食到差唔多，店員就會過來加入一份蔬菜，煮好再下粥底。
粥底煮均後再來一隻生雞蛋，令粥底更杰更有口感。
成了！粥底米氣足，再吸收哂所有海鮮的精華，非常鮮甜好味！
火鍋食得多，呢個形式算係第一次，又幾新奇。價格只有一款，入到去咩都唔駛諗，店員到時到候會做下一個step，清清淡淡最後仲有個粥，幾有趣的體驗。
张贴
