滿粥順德粥底海鮮火鍋

清理手机📱里的相片，找来了几张令人回味既相片。果日👫🏻喺新蒲岗逛完mikiki经过见到对面有间海鲜粥底火锅🍲， 由于时间🕖尚早在没有订位之下都可以入座。职员👩‍💼介绍了几款套餐，最后我地就拣左招牌孖宝餐$368一位，海鲜有鲍鱼，龙虾🦞，肉蟹🦀，虾🦐，鱼🐟，大蚬，小蚬等等。食材好新鲜，龙虾都几大只，两个人分，一人半只，食完都几饱肚，除了海鲜还有自选火锅配料，猪牛鸡任选，二人份量足够。职员会提示我地按照先后次序进食，各款食材需要几多分钟煮熟，最后的粥底有粟米芋头香菜等配料加上浓浓的海鲜味😋，食到要抱住个肚走。…Read More

今次庆祝生日，五个人叫咗两个龙虾餐同埋三个肉蟹餐，份量好够，食材都OK新鲜。龙虾有啲削，肉蟹都可以，跟餐会有肥牛、丸、饺．．．．一般打边炉食材可以选择，最后食埋个粥已经食唔落太饱。期间会有专人负责帮你煮海鲜，你可以尽情饮啤酒同friends倾偈。但系每人最少要嗌一个餐，可以喺订座嘅时候早啲讲。店舖会要求咁多个客人嗌一样嘅嘢，方便上菜，但系最后都好flexible，尽量满足唔同客人嘅要求。埋单每位大约400都算好抵食，好啱三五知己去，太多人会有啲迫。…Read More

相约好耐无见嘅朋友聚一聚，响openrice揾咗好多间无位，见呢间食评不错就选定了呢间，期待新鲜海鲜仲有又甜又解味一个靓粥；谁不知牛肉叫到吊笼竟然无味，海鲜好失望，唔知点解海鲜好似唔新鲜，问职员答案系无问题，叫我们放心吃，感觉中伏都算啦，继续吹下水慢慢吃，不过仲有一个问题系冷气完全唔够，边食边出汗，职员话已经开到最大，我哋怀疑直头坏冷气，我哋拿拿林快煮埋个粥，感觉都好一般，吾系好有鲜味嘅粥，真系好失望。…Read More

圣诞佳节唔想同人逼，又想食粥底火锅，约左朋友系附近睇戏，就黎满粥食粥底火锅。一坐底，待应叔叔已经上左粥底，滚住先。同埋推介有3个餐可以选择，一个系半只肉蟹餐$198一位、另一个系半只龙虾餐$298或者两者兼得-肉蟹同龙虾各半只餐 $348，每个餐都夹埋其他时令海鲜，包括鲍鱼、虾、鱼片、贝类、蚬同沙白等4个人可以拣唔同既餐，但一定要2个人拣同一款。海鲜送上枱都算新鲜，龙虾都算几大只。枱上面有个计时器，可以根据枱面既指示计住需时几耐先熟。食完海鲜，侍应姐姐送上一碗粟米、南瓜同芋头既配料，可以倒入锅，一阵用黎煮粥。另外可以自选6款配料，唔够仲可以追加。我地拣左肥牛、鸡件、花胶仔、猪腩片、准山同娃娃菜。配料份量足够4人食，味道正常。食完火锅，侍应姐姐会带上粥胆帮手煮粥，配料有冬菜、芫荽、葱、猪油渣等，如果有人唔食可以另上。有龙虾既膏煲出黎既粥黄黄地，食落都有一啲海鲜既味道，食埋粥真系几饱。黄大仙区附近既粥底火锅好去处，唔够食可以再追加海鲜同配料，价钱亦都唔算贵，个日接近7点3已经沽清龙虾，如果好想食龙虾，建议订枱时预订左先，住附近既朋友可以一试。…Read More

🔅满粥🔅新蒲岗🔅粥底火锅🔅话说男朋友踢波，所以叫晒我所有朋友去新蒲岗，点知俾我哋意外发现咗呢一间亲民粥底火锅店！佢首先会上一个三层海鲜架，完全有贵派享受嘅外貌，蟹肉非常之鲜甜～蚬仔全开好新鲜，啲虾喺支竹签上边仲会郁，有啲惊吓最惊吓嘅系，佢个套餐其实系包七款基本海鲜、六款火锅配料、同埋粥底！每人$198! 火锅配料方面，我哋拣咗鲜鸡，同埋猪肉片，炸鱼皮，响铃，金沙丸，同埋蔬菜蓝～虽然佢话份量系按人头计，但系其实超级多～ 我地眼阔肚窄，仲叫左手切肥牛片，肥牛略肥，但都好有牛味！～同两渣冬瓜茶！真系超级饱～我最钟意佢add on都可以做左$18一碟，完全系抵食同可以俾贪心嘅人类叫多啲(o^^o)个粥底佢仲有粟米、芋头同南瓜粒粒，加上蛋花一齐煮，我地四个人最终系清晒所有粥，真系好惊人😂满粥顺德粥底海鲜火锅网上订座即赚Rice Dollars 网址: https://s.openrice.com/QrbS0miS700~uZ5MGAA地址: 新蒲岗景福街79号地舖电话: 98849484=====================#火锅 #打边炉 #黄店边炉 #打边炉 #海鲜 #海鲜火锅 #蟹 #虾 #蚬 #沙白 #鲍鱼 #大蚬 #鱼 #肥牛 #粥底海鲜火锅 #抵食 #餐厅 #新蒲岗美食 #新蒲岗黄店 #新蒲岗好去处 #海鲜架 #hkig #hkfoodie #hkfood #hkfoodblogger …Read More