至尊滿屋日本料理 (已結業)

最近期想食一餐飽飽嘅，於是就約咗一個朋友去食日式任食放題，揀咗旺角嘅滿屋貪佢夠晒高級又多款多嘢食。一入到去首先留意吓自助吧先，自助吧有各款唔同嘅甜品，同埋唔同嘅飲品，包括高成本的酒類飲品添，很不錯的。之後就畫放題紙了，淨係放題都有十幾張，差不多諗得出嘅日式料理都有，一於樣樣都叫啲啦。首先來到的係刺身拼盤，刺身全部新鮮厚刺，款式又多，食得出係不錯的好嘢來的。之後就來了壽司，特別想值得一提嘅係佢樣樣細細件飯，大大件肉，比你可以試多啲食多啲，正！然後就叫咗串燒同埋料理，喺日式放題店之中屬於中上級數，食得出係即叫即製，熱辣辣嘅，不錯！值得一提嘅係佢嘅甜品同埋飲品都好有特色㗎！仲有原鍋上嘅日式料理添！最後佢仲送俾每一個客人一杯雪糕仲要係兩隻知名牌子嘅雪糕嚟㗎，絕不欺場，讚好，令到滿滿的一餐畫上了完美的句號。