今日食既係長腳蟹既四人餐，全部食材用蒸鍋去蒸，最後精華落晒去粥底，食埋真係完美作結！
呢餐既重點一定係阿拉斯加長腳蟹，長腳蟹係成隻咁蒸，蒸好再分俾我地食。長腳蟹蟹腳鮮味多肉，大大條既蟹腳肉質好爽，好多蟹肉，非常嫩澤，好味道！
另外一個重點係法國藍龍蝦，呢個係每位半隻，藍龍蝦都幾大隻，半隻都幾多肉，肉質幾結實帶彈性，蒸完出黎白裏透紅，鮮味香甜！
估唔到除佐海鮮亦有日式京葱醬油配本地雞，雞肉唔會乾身鞋口，有啲似慢煮肉咁，肉質好嫩，皮又滑，京蔥醬油有蔥香，滲晒落雞肉入面，蒸完出黎好香好好食呀！
仲有比較特別係甲羅蒸烏冬，烏冬放係蟹蓋入面蒸，吸收晒蟹既蟹香，同蟹膏一齊蒸，咸香軟滑既蟹膏粘住烏冬，口感真係超掂！
