影片
更多
2005-12-17
6 浏览
母親生日,出街食餐晚飯,適逢銅鑼灣灣仔一帶有世貿遊行,D人都歸家避靜,所以喱度都冇咩人.叫左四人餐加幾個"食送",詳情如下:1.霸王雞--即係白切雞上面加D芫茜蔥o係度,雖然得半隻,但係非常大隻,所以D肉較鞋口及雞皮較厚,但都ok,沙薑汁好香.2.蒜子火腩炒星班腩--星班腩係用真o既星班腩,有魚鮮味,一流,而且數量相當多,估唔到用料咁正.火腩較硬,味道一般.3.海參花膠煲--另一落本之作,花膠夠彈牙,有咬口.海參夠晒腍,吸晒個勁鮮味o既汁,勁正.另外仲有東菇同津白,都係吸汁o既野,一流味道,必叫之選.4.菜心炒牛肉--菜心較大棵及較老,o趙蔗咁,唔掂.牛肉嫩滑,又唔會太腍,好.5.生炒骨--水準平穩,皮脆肉嫩,排骨D肉有一半為肥肉,相當易入口,但最好有多D菠蘿.6.金華火腿雞燉翅--$58一位,翅唔係咁多,得兩抽細細抽,另有雞肉及火腿小量,湯極鮮甜,但整體尼講料小左D.總結尼講質素唔錯,仲送紅豆沙甜品,價格合理,母親好滿意.
1.霸王雞--即係白切雞上面加D芫茜蔥o係度,雖然得半隻,但係非常大隻,所以D肉較鞋口及雞皮較厚,但都ok,沙薑汁好香.
2.蒜子火腩炒星班腩--星班腩係用真o既星班腩,有魚鮮味,一流,而且數量相當多,估唔到用料咁正.火腩較硬,味道一般.
3.海參花膠煲--另一落本之作,花膠夠彈牙,有咬口.海參夠晒腍,吸晒個勁鮮味o既汁,勁正.另外仲有東菇同津白,都係吸汁o既野,一流味道,必叫之選.
4.菜心炒牛肉--菜心較大棵及較老,o趙蔗咁,唔掂.牛肉嫩滑,又唔會太腍,好.
5.生炒骨--水準平穩,皮脆肉嫩,排骨D肉有一半為肥肉,相當易入口,但最好有多D菠蘿.
6.金華火腿雞燉翅--$58一位,翅唔係咁多,得兩抽細細抽,另有雞肉及火腿小量,湯極鮮甜,但整體尼講料小左D.
總結尼講質素唔錯,仲送紅豆沙甜品,價格合理,母親好滿意.
张贴
