越滿 (已結業)

提早收爐，同同事去食返餐好寓意豐衣足食，同事知我愛牛，叫我一定要陪佢食呢間，實質要我請客啦…。要食好野當然揀個最奢華的。午餐自己選擇香料份量，可以更岩自己口味，話明要豐衣足食梗係樣樣都要多啦，至愛勁多蔥，蔥段真係毫不吝嗇俾咗好多，好新鮮，讚。和牛河，上枱乜乾撈黎架? 個心真係離一離! 即刻影張相先! 之後店員攞住個茶壺圍住個邊慢慢倒出滾熱辣湯，感覺高檔兼矜貴，唔錯! 睇住和牛肉由紅轉啡，急不及待即刻要夾起嚟食，入口軟滑，好豐富牛味，絕對唔講得笑! 讚。加熱左既牛，油膩出晒黎，啖湯好濃郁牛味，勁讚。