影片
更多
2023-02-03
132 浏览
主打法國fusion菜的Briketenia 在法國享譽盛名，連續16年獲得米芝蓮一星的美譽。 Briketenia現於香港北角匯設分店，由香港名廚chef Walter Lok主理。 餐廳設計以深木色為主，而且以簡約玻璃吊燈點綴，別具情調。透過落地大玻璃，更能眺望維港對岸景色。 星期一晚上與男友於Briketenia 慶生。Menu菜式配搭新穎，款款都非常吸引。正當我們花多眼亂之際，主廚chef Walter從廚房出來跟我們打招呼，並向我們推介餐廳的signature dish。 我們索性請主廚即興為我們決定當天的Menu，來個法式Omakase，果然處處有驚喜， 尤如於法國走了一躺舌尖上的愛情之旅。 麵包頭盤已經充滿愛，麵包暖笠笠好有溫度，好窩心，重點係秘製醬料，唔好睇小呢個銀魚柳蛋黃醬，香香甜甜花好多功夫做，喺法國通常用嚟點甘荀，但點麵包卻出奇地match。見微知著，小小醬料已經咁用心體貼，可見廚師的心思。 炸米紙蝦肉伴三文魚籽蝦肉鮮嫩魚籽有咬口，細細粒好精緻，給人清新的感覺。 法式生牛肉他他再來是經典法式前菜生牛肉他他。牛肉他他的色澤紅潤，脂肪少而無筋，吃起來口感鬆軟又富肉
餐廳設計以深木色為主，而且以簡約玻璃吊燈點綴，別具情調。透過落地大玻璃，更能眺望維港對岸景色。
星期一晚上與男友於Briketenia 慶生。Menu菜式配搭新穎，款款都非常吸引。正當我們花多眼亂之際，主廚chef Walter從廚房出來跟我們打招呼，並向我們推介餐廳的signature dish。
我們索性請主廚即興為我們決定當天的Menu，來個法式Omakase，果然處處有驚喜， 尤如於法國走了一躺舌尖上的愛情之旅。
麵包
頭盤已經充滿愛，麵包暖笠笠好有溫度，好窩心，重點係秘製醬料，唔好睇小呢個銀魚柳蛋黃醬，香香甜甜花好多功夫做，喺法國通常用嚟點甘荀，但點麵包卻出奇地match。見微知著，小小醬料已經咁用心體貼，可見廚師的心思。
炸米紙蝦肉伴三文魚籽
蝦肉鮮嫩魚籽有咬口，細細粒好精緻，給人清新的感覺。
法式生牛肉他他
再來是經典法式前菜生牛肉他他。牛肉他他的色澤紅潤，脂肪少而無筋，吃起來口感鬆軟又富肉味，可見餐廳選材認真。
法式鵝肝焦糖燉蛋
這個係我預先揀定啲菜式，充滿期望。廚師以法式甜品crème brulee的做法烹調，外層甜甜，香脆可口，內層的鵝肝充滿淡淡鹹香，入口軟滑，一甜一鹹，好有層次。中間的紅太陽係紅桑子醬，酸酸地令鵝肝唔會太肥膩，色彩又鮮艷，配搭得宜。
周打蜆湯
完全無加麵粉，所以creamy 得嚟好香滑，唔會一pat pat，口感一流。全部係用新鮮蜆，加埋蜆水的海水味，令整個菜式再度昇華。
波士頓龍蝦扁意粉伴龍蝦汁
以新鮮龍蝦入饌，食材靚，大大粒龍蝦肉好彈牙勁有滿足感。龍蝦汁湯底自己獨門秘製，非常濃香。
味噌鱈魚配蘆筍及蘑菇
日藉廚師秘傳只此一家，法日fusion浪漫邂逅，好有異國情緣feel。麵豉做調味，提鮮一流，鱈魚鮮甜嫩滑，又夠厚身，正。
法式疏乎厘
自家製疏乎厘，焗到挺身，圓碌碌、脆卜卜，非常吸睛，口感Q彈軟滑，猶如吃得下的雲朵。
馬卡龍
壓軸驚喜就係macaron ，法蘭西空運到港。最重要就係唔會太甜，啱晒怕甜的我。兩款味道，開心果同紅桑子都係我的摯愛，包裝用手袋仔包著，幻想拿著名牌包包，好有幸福感，為呢餐畫上完美句號。
张贴
