影片
更多
2021-09-04
32 浏览
諗起呢首歌：🎼窗外天空每朵白雲~ 滿寫醉人曲譜~ 夜空星星向月兒說……約咗好朋友食Omakase，其實每次食Omakase我最期待嘅環節就係食甜品，由第一道菜一直等待到最後嘅甜品。 呢道【夜空】，上面係透明嘅清酒寒天，下面係蝶豆花同檸檬溝出嚟嘅天藍色寒天，中間又有白雲點綴，靚到咁，打卡一流！雖然係有清酒成份，帶有清香酒味，食落爽滑又有點回味，但佢唔會令人飲醉，會醉人 最多只係陶醉，靚到陶醉就真！全個Omakase套餐$1480/位 有十道菜【燒螢光魷魚配銀鱈魚脆餅】螢光魷魚燒到好乾身，配咗一小片銀鱈魚脆餅，兩樣嘢同樣脆口。【富山灣白蝦松葉蟹他他】下層係蝦同蟹製成嘅他他，配上鵪鶉蛋黃同三文魚籽，嫩滑鮮味； 上層係希臘乳酪、果乾同又靚又好食嘅紫蘇花。 【北海道～雲】下面係北海道3.6牛乳奶凍加少少夏威夷果仁，配上初榨欖油，口感特別滑。 上面係岩鹽打出嚟嘅泡沫，少少咸味。 成道菜仲可以清清口腔添。【時令壽司 四貫】長崎縣鱸魚、愛媛縣蜜柑鯖魚、吞拿魚赤身、右口魚自己最鍾意係右口魚壽司，左口魚就普遍啲，右口魚就比較少食到。 肉質滑溜，魚肉仲預先用蒜頭漬過，本身油脂已經係極豐富，經過火炙，魚油味更
🎼窗外天空每朵白雲~ 滿寫醉人曲譜~ 夜空星星向月兒說……
約咗好朋友食Omakase，其實每次食Omakase我最期待嘅環節就係食甜品，由第一道菜一直等待到最後嘅甜品。 呢道【夜空】，上面係透明嘅清酒寒天，下面係蝶豆花同檸檬溝出嚟嘅天藍色寒天，中間又有白雲點綴，靚到咁，打卡一流！雖然係有清酒成份，帶有清香酒味，食落爽滑又有點回味，但佢唔會令人飲醉，會醉人 最多只係陶醉，靚到陶醉就真！
全個Omakase套餐$1480/位 有十道菜
【燒螢光魷魚配銀鱈魚脆餅】
螢光魷魚燒到好乾身，配咗一小片銀鱈魚脆餅，兩樣嘢同樣脆口。
【富山灣白蝦松葉蟹他他】
下層係蝦同蟹製成嘅他他，配上鵪鶉蛋黃同三文魚籽，嫩滑鮮味； 上層係希臘乳酪、果乾同又靚又好食嘅紫蘇花。
【北海道～雲】下面係北海道3.6牛乳奶凍加少少夏威夷果仁，配上初榨欖油，口感特別滑。 上面係岩鹽打出嚟嘅泡沫，少少咸味。 成道菜仲可以清清口腔添。
【時令壽司 四貫】
長崎縣鱸魚、愛媛縣蜜柑鯖魚、吞拿魚赤身、右口魚
自己最鍾意係右口魚壽司，左口魚就普遍啲，右口魚就比較少食到。 肉質滑溜，魚肉仲預先用蒜頭漬過，本身油脂已經係極豐富，經過火炙，魚油味更香更突出，好回味！【大金槍魚腹紫蘇卷】
熟成一星期嘅香滑大金槍魚腩配上清新嘅紫蘇葉，要一啖食晒佢！
【究極海膽】
特長嘅海膽，味道濃郁、鮮甜、creamy。
【北海道鱈場蟹】
呢道係甜品以外嘅最愛，本身係配咗蟹醋同蟹味噌，但我覺得原味先係最正！ 鱈場蟹本身已經勁鮮甜，加咗少少鹽去燒，鮮味爆晒出嚟，加上啖啖肉，滋味無窮。
【燒鹿兒島赤雞】
用火爐仔燒住食，熱辣辣，反而我覺得最好食係入面嘅甜洋蔥，吸收晒雞嘅精華，連平時好少食洋蔥嘅我都食咗唔少！
【鹿兒島十割蕎麥麵 ~ 冷】
由日本鹿兒島新鮮運到，不含小麥粉嘅十割蕎麥麵係特別難造，好考功夫，唔係度度有得食。 食落幾爽滑，配埋蟹乾同蝦乾嘅冷麵汁，夠飽肚又唔會覺得滯膩！
张贴
