十三少 (已結業)

鍾意食酸菜魚而好想試哂唔同品牌嘅酸菜魚今次係啟德站附近發現到間連鎖酸菜魚環境都好新淨又好坐 決定一試🥢十三少酸菜魚👉🏻份量好大份得黎 亦都有好多魚片、酸菜、窩筍、土豆片、香菇 每一樣都好入味👉🏻最最最欣賞係魚片和湯底 店員都建議先飲下湯底 湯底除左本身嘅酸辣外 仲有鮮甜嘅魚湯味 中間再滲出啲花椒八角味 一飲左就停唔到地飲左幾碗 👉🏻魚片肉質係我食過之中覺得數一數二滑嫰嘅 而又唔會散 感覺係健康嘅魚肉👉🏻唔想食太刺激而點左少辣 覺得唔係好食得辣但鍾意麻香嘅朋友都可以食到🥢椒麻皮蛋👉🏻皮蛋呈金黃色 食落有啲流心蛋嘅質感 軟心滑溜👉🏻配埋中間嘅蔥蒜辣椒粒 好惹味👉🏻必點配菜🥢川式口水雞👉🏻口水汁望落好濃 但又唔會好鹹 辣度亦都唔太強 足夠惹味👉🏻雞肉煮得熟而不老 保持到滑嫰度 是很下飯的一道菜色🥢紅糖糍粑👉🏻重口味晚餐一定要來一道甜品作總結 那就一定是糍粑了👉🏻糍粑炸得外脆內軟 像食緊炸韓式年糕嘅口感一樣 紅糖分開上能夠保持到糍粑嘅脆皮口感👉🏻表面沾滿了我十分喜歡嘅黃豆粉 再沾埋紅糖食 十分香甜滋味